जम्मू-काश्मीरमधील पुलवामा येथील त्राल भागात दहशतवादी व जवानांमध्ये झालेल्या चकमकीत तीन दहशतवाद्यांचा खात्मा करण्यात जवानांना यश आले आहे. याचबरोबर मोठ्याप्रमाणावर शस्त्रसाठा देखील जप्त करण्यात आला आहे. या अगोदर पाकिस्तानी सैन्याने शनिवारी पुन्हा एकदा शस्त्रसंधीचे उल्लंघन केले. यावेळी त्यांच्याकडून जम्मू-काश्मीरमधील पूंछ जिल्ह्यातील नियंत्रण रेषेनजीक असलेल्या भारतीय जवानांच्या चौक्या व गावांना लक्ष केले गेले. #UPDATE Kashmir Zone Police on Tral encounter: 3 terrorists killed. Arms & ammunition recovered. Identities & affiliations being ascertained. — ANI (@ANI) January 12, 2020 पाकिस्तानकडून रात्री साधारणपणे साडेनऊ वाजता शस्त्रसंधीचे उल्लंघन करण्यात आले. त्यांनी पूंछ जिल्ह्यातील नियंत्रण रेषेनजीक असलेल्या देगवर सेक्टरमध्ये गोळीबार व उखळी तोफांचा मारा केला, त्यांच्या या हल्ल्यास भारतीय जवानांकडून देखील चोख प्रतित्युत्तर देण्यात आले. यानंतर आज रविवारी त्राल भागात दहशतवाद्यांच्या ठिकाणाबाबत माहिती मिळाल्यानंतर जवानांनी या परिसरास वेढा देत शोधमोहीम सुरू केली. दरम्यान दहशतवाद्यांकडून जवानांवर गोळीबार सुरू करण्यात आला. प्रतित्युत्तरात जवानांनी केलेल्या कारवाईत तीन दहशतवाद्यांचा खात्मा झाला.