05 April 2020

News Flash

सुसाट…करोनाशी लढाई, F-1 टीम्स बनवणार व्हेंटिलेटर्स

आज करोना व्हायरसबरोबर व्हेंटिलेटरचेही आव्हान आहे.

युनाटडेड किंगडममध्ये करोना व्हायरसची लागण झालेल्या रुग्णांची संख्या झपाटयाने वाढत आहे. यूकेसमोर आज करोना व्हायरसबरोबर व्हेंटिलेटरचेही आव्हान आहे. यूकेमध्ये व्हेंटिलेटरची मोठया प्रमाणावर कमतरता आहे. याच समस्येवर तोडगा शोधून काढण्यासाठी आता फॉर्म्युला वन रेसिंग टीम्स, कॉर्पोरेटस आणि सिमेन्स एजी, एअरबस एसई या कंपन्यांनी काम सुरु केले आहे. हिंदुस्थान टाइम्सने हे वृत्त दिले आहे.

राष्ट्रीय आरोग्य व्यवस्थेला व्हेंटिलेटरची कमतरता जाणवू नये, यासाठी ब्रिटनचे पंतप्रधान बोरीस जॉन्सन यांनी मागच्या आठवडयात सर्व उत्पादकांना ३० हजार व्हेंटिलेटरची निर्मिती करण्यासाठी मदत करण्याचे आवाहन केले आहे. सध्या आठ हजार व्हेंटिलेटर कार्यरत आहेत.

मंगळवारी यूकेमध्ये १४०० जणांना करोना व्हायरसची लागण झाली आणि ८७ जणांचा मृत्यू झाला. त्यावरुन आव्हानाचे गांभीर्य लक्षात येते. “व्हेंटिलेटरच्या कमतरतेमुळे उद्या डॉक्टरांना कुठल्या रुग्णांना व्हेंटिलेटरवर ठेवायचे आणि कोणाला नाही हा निर्णय घेणे भाग पडेल असा इशारा आरोग्य सेवेच्या प्रमुखांनी दिला आहे.

व्हेंटिलेटरच्या उत्पादनासाठी एकूण तीन गट बनवण्यात आले आहेत. २० मार्च रोजी फॉर्म्युला वनकडून प्रसिद्ध करण्यात आलेल्या निवेदनात यूकेमधील टीम्स व्हेंटिलेटर प्रोजेक्टवर काम करत असल्याचे सांगण्यात आले आहे. तंत्रज्ञानाच्या दृष्टीने फॉर्म्युला वनच्या सर्व टीम्समध्ये बेस्ट डिझायनर आहेत. उच्च दर्जाचे मशीन बनवण्याची त्यांची क्षमता आहे.

F 1 च्या सात टीम्सनी व्हेंटिलेटरचे डिझाइन आणि चाचणीवर लक्ष केंद्रीत केले आहे. या टीम्समध्ये तज्ञ इंजिनिअर्सचा भरणा आहे. करोना व्हायरसचा सामना करण्यासाठी वाहन कंपन्यांकडे मदत मागणारा यूके एकमेव देश नाही. अमेरिकेतही फोर्ड मोटर, जनरल मोटर्स या कंपन्यांची श्वसनासंबंधीच्या उपकरणाच्या निर्मितीला गती दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 26, 2020 1:17 pm

Web Title: f1 helps uk race towards target of 30000 ventilators dmp 82
Next Stories
1 जाणून घ्या, देशात किती करोना पॉझिटिव्ह रुग्ण, किती करोनामुक्त?
2 करोनाची लागण झाल्याच्या भीतीपोटी एका व्यक्तीची गळफास घेऊन आत्महत्या
3 CoronaVirus : व्वा दादा..!! गरीब-गरजुंसाठी गांगुलीकडून ५० लाखांची मदत
Just Now!
X