News Flash

फेसबुकने बंद केले ५८ कोटी फेक अकाऊंट्स

अमेरिकेतील राष्ट्राध्यक्षपदाच्या निवडणुकीत केंब्रिज अॅनालिटिका या ब्रिटनमधील कंपनीने ८७ दशलक्ष फेसबुक युजर्सची माहिती चोरल्याचे समोर आले होते.

संग्रहित छायाचित्र

फेसबुक या सोशल नेटवर्किंग साईटने २०१८ च्या सुरुवातीच्या तीन महिन्यांमध्ये जवळपास ५८ कोटी ३० लाख फेक अकाऊंट्स बंद केले आहेत. फेसबुकच्या कम्यूनिटी स्टँडर्डचे उल्लंघन केल्याने ही कारवाई करण्यात आल्याचे फेसबुकने म्हटले आहे.

अमेरिकेतील राष्ट्राध्यक्षपदाच्या निवडणुकीत केंब्रिज अॅनालिटिका या ब्रिटनमधील कंपनीने ८७ दशलक्ष फेसबुक युजर्सची माहिती चोरल्याचे समोर आले होते. या प्रकरणाची चौकशी सुरु आहे. या घडामोडींच्या पार्श्वभूमीवर फेसबुकने काही दिवसांपूर्वीच जवळपास २०० अॅप्स हटवले होते. फेसबुकवरील या अॅप्सच्या माध्यमातून व्यक्तीगत माहितीचा गैरवापर केल्याचे समोर आल्याने ही कारवाई करण्यात आली होती.

आता फेसबुकने फेक अकाऊंट्स आणि फेक पोस्टसंदर्भातही कठोर पावले उचलली आहेत. २०१८ च्या सुरुवातीच्या तीन महिन्यांमध्ये फेसबुकने तब्बल ५८ कोटी ३० लाख फेक अकाऊंट्स बंद केले आहेत. याशिवाय प्रक्षोभक विधाने असलेली २० लाख पोस्ट, दहशतवाद पसरवणारे १० लाख पोस्ट आणि हिंसाचाराचे जवळपास ३० लाख व्हिडिओ देखील फेसबुकने हटवले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 18, 2018 10:05 am

Web Title: facebook first quarterly moderation of 2018 report closed 583m fake accounts
Next Stories
1 येडियुरप्पांच्या मुख्यमंत्रीपदाचा आज फैसला; सुप्रीम कोर्टात होणार सुनावणी
2 काश्मीरमध्ये पाकिस्तानकडून शस्त्रसंधीचे उल्लंघन; बीएसएफ जवान शहीद
3 पंधरा दिवसांत बंगले खाली करा; युपी सरकारच्या माजी मुख्यमंत्र्यांना नोटिसा
Just Now!
X