News Flash

उत्तर प्रदेशातील पठ्ठ्याने उभी केली कर्नाटक बँकेची बनावट ब्रांच, पोलिसांनी ठोकल्या बेड्या

बँकेत स्थानिकांनी खातीही उघडली होती

कर्नाटक बँकेच्या बनावट शाखेवर धाड टाकत पोलिसांनी मोठ्या गुन्ह्याचा पर्दाफाश केला आहे. बालिया जिल्ह्यातील मुलायमन नगरमध्ये ही बनावट ब्रांच सुरु करण्यात आली होती. पोलिसांनी याप्रकरणी एका व्यक्तीला अटक केली असून त्याच्याकडून १.३७ लाख रुपये जप्त केले आहेत. पोलिसांनी आरोपीकडून मोठ्या प्रमाणात बनावट ओळखपत्रं जप्त केली आहेत.

अटक करण्यात आलेल्या आरोपीचं नाव आफाख अहमद असून या बनावट बँकेत ब्रांच मॅनेजर असल्याचं सांगत तो लोकांची फसवणूक करत होता. त्याने आपली ओळख विनोद कुमार कांबळी असल्याची खोटी बतावणी केली होती. आपण मुंबईचे रहिवासी असल्याचीही खोटी माहिती त्याने दिली होती. अहमदकडे खोट्या नावाचं आधारकार्ड आणि ओळखपत्रंही आहेत.

पोलिसांनी दिलेल्या माहितीनुसार, या बँकेत १५ जणांनी सेव्हिंग अकाऊंट आणि फिक्स डिपॉझिट केलं होतं. आरोपी अहमदने यामधून एकूण १.३७ लाख रुपये जमवले होते. पोलिसांना कारवाईदरम्यान फॉर्म, पासबूक, तीन संगणक, लॅपटॉप, फर्निचर आणि इतर गोष्टी जप्त केल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 29, 2018 3:41 pm

Web Title: fake branch of karnataka bank was opened in varanasi
Next Stories
1 Video: ऑस्ट्रेलियात भारतीय वृद्धेवर वर्णद्वेषी टीका
2 CBSE पेपर लीक: ‘माझीही झोप उडाली, मी समजू शकतो पालकांचे दु:ख’
3 CBSE paper leak: ‘सीबीएसई’ फेरपरीक्षेबाबत सेलिब्रिटींकडून नाराजी व्यक्त
Just Now!
X