News Flash

झारखंड : करोना झाल्याच्या अफवेवरुन संपूर्ण कुटुंबावर बहिष्कार, मुख्यमंत्र्यांकडून चौकशीचे आदेश

पाणी भरण्यासही कुटुंबाला मनाई

"लस टोचण्यात आलेल्या आणि ज्यांना लस दिली नाही अशा माकडांमधील व्हायरल आरएनएच्या प्रमाणात फार फरक नव्हता. याचा अर्थ लस दिली त्यांनाही इन्फेक्शनची बाधा झाली" असे डॉ. विलियम म्हणाले.

करोना विषाणूचा सामना करण्यासाठी सध्या केंद्र सरकारने ३ मे पर्यंत लॉकडाउन घोषित केलं आहे. या काळात सोशल मीडियावरुन अफवा पसरवणाऱ्याच्या प्रमाणातही खूप वाढ झाली आहे. झारखंडमधील रामगड जिल्ह्यातील एका कुटुंबाला अशाचं अफवेचं शिकार व्हावं लागलं आहे. मुरडीया गावातील एका कुटुंबावर गावकऱ्यांनी करोना झाल्याचा संशयावरुन बहिष्कार घातला आहे. इतकच नव्हे तर या कुटुंबाला गावातील विहीर आणि कुपनलिकेवर पाणी भरण्यासाठीही मनाई करण्यात आलेली आहे. हिंदुस्थान टाइम्सने यासंदर्भातलं वृत्त दिलं आहे.

काही दिवसांपूर्वी सोशल मीडियावर पीडित कुटुंबातील मुलं भुकेने रडत असतानाचा एक व्हिडीओ समोर आला होता. झारखंडचे मुख्यमंत्री हेमंत सोरेन यांनी या प्रकरणाची दखल घेतली असून, रामगड जिल्ह्याचे उप-जिल्हाधिकाऱ्यांना कारवाईचे आदेश देण्यात आले आहेत. पीडित कुटुंबातील महिला झारखंड सरकारच्या Didi Kitchen या उपक्रमात जेवण बनवण्याचं काम करते. लॉकडाउन काळात गरीब लोकांना जेवण पुरवण्याची जबाबदारी या विभागाकडे आहे. १८ एप्रिलला गावातील काही लोकं महिला काम करत असलेल्या केंद्रावर आले आणि त्यांनी महिलेला करोनी लागण झालेली आहे अशी अफवा पसरवायला सुरुवात केली. तुझ्या छत्तीसगडमधील भावाला करोना झालाय ज्यामुळे तुलाही करोनाची लागण झालेली आहे असा आरोप गावकऱ्यांनी केला.

प्रत्यक्षात माझा भाऊ माझ्या घरी गेल्या काही महिन्यांमध्ये आलेलाच नाही हे मी गावकऱ्यांना समजावून सांगण्याचा प्रयत्न केला…पण त्यांनी माझं काहीही ऐकलं नाही. महिलेचा पती मजुरी करत असल्यामुळे लॉकडाउन काळात त्याचा रोजगारही सुटलेला आहे. अशा परिस्थितीत या कुटुंबावर उपासमारीची वेळ आली आहे. गावकरी आपल्याला पाणी भरायलाही देत नसल्याचं महिलेने यावेळी सांगितलं. गावकऱ्यांचं समाधान व्हावं यासाठी महिलेने जवळच्या गावात जाऊन करोनाची चाचणी करुन घेतली, या चाचणीचा अहवाल निगेटीव्ह आल्यानंतरही गावकरी आपल्याला गाव सोडून जाण्यास सांगत असल्याचं महिलेने सांगितलं. गावकरी या कुटुंबाला दैनंदिन कामासाठीही घराबाहेर पडू देत नाहीयेत.

या प्रकाराबद्दल महिलेने पोलिस ठाण्यात तक्रार दाखल केल्यानंतर, पोलिसांनी घटनास्थळी पोहचत गावकऱ्यांना समज दिली आहे. पोलिसांच्या मध्यस्थीनंतर या कुटुंबाला पाणी भरुन देण्यात आलेलं आहे. यानंतर अफवा पसरवून कुटुंबावा त्रास देण्यात आला तर संबंधितांवर कारवाई केली जाईल अशी माहिती स्थानिक पोलिस अधिकाऱ्यांनी दिली आहे. मात्र यानंतरही गावकऱ्यांच्या वागण्यात काहीही फरक झालेला नसल्याचं महिलेने सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2020 6:28 pm

Web Title: family faces boycott over covid 19 rumour jharkhand cm orders probe psd 91
टॅग : Coronavirus
Next Stories
1 जबरदस्त! DRDO ने पंधरा दिवसात उभी केली दिवसाला हजार करोना टेस्ट करणारी प्रयोगशाळा
2 करोनाशी लढा : वार्तांकन करणाऱ्या पत्रकारांना १० लाखांच्या विम्याचं कवच
3 ना लॉकडाउन…ना सोशल डिस्टन्सिंग, करोनाशी लढण्याची ‘ही’ आहे स्वीडनची स्ट्रॅटेजी
Just Now!
X