25 February 2021

News Flash

आत्महत्येचं नाटक पडलं महागात, पतीने स्वतःलाच संपवलं

पतीसोबत भांडण झाल्यानंतर पत्नीने आपल्या खोलीचा दरवाजा बंद करुन घेतला आणि काही कपड्यांना आग लावून आत्महत्येसाठी आग लावली आहे असं भासवण्याचा तिने प्रयत्न केला

(प्रतिकात्मक छायाचित्र)

दिल्लीजवळील फरीदाबादमध्ये एका महिलेला आत्महत्येचं नाटक करणं चांगलंच महागात पडलं. महिलेने आत्महत्येची धमकी दिल्याने तिच्या पतीनेच आत्महत्या केल्याची घटना येथे घडली आहे.

पती-पत्नीमध्ये कोणत्यातरी मुद्द्यावरुन वाद झाला होता, त्याचं रुपांतर भांडणात झालं. त्यानंतर पत्नीने आपल्या खोलीचा दरवाजा बंद करुन घेतला आणि काही कपड्यांना आग लावून आत्महत्येसाठी आग लावली आहे असं भासवण्याचा तिने प्रयत्न केला. नवभारत टाइम्सने दिलेल्या वृत्तानुसार, या घटनेमुळे पती भेदरला आणि त्याने दुसऱ्या खोलीत जाऊन गळफास लावून घेत आत्महत्या केली. फरीदाबादच्या भारत कॉलनीमध्ये ही घटना घडली. मृत पतीच्या पित्याने केलेल्या तक्रारीनुसार पोलिसांनी पत्नीवर आत्महत्येसाठी दबाव टाकल्याचा गुन्हा दाखल केला आहे. या प्रकरणाची चौकशी सुरू आहे, अशी माहिती घटनेचा तपास करणारे पोलीस अधिकारी कर्मवीर सिंह यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2018 8:30 am

Web Title: faridabad wife threaten to killed herself man commits suicide
Next Stories
1 डेटिंग साईटवरची मैत्री बेतली जिवावर, ऑस्ट्रेलियात भारतीय विद्यार्थ्याची हत्या
2 सीरियात आयसिसच्या हल्ल्यात २२० ठार
3 Kargil Vijay Diwas: अभिनेते दिलीपकुमारनी केली होती नवाज शरीफांची कानउघडणी
Just Now!
X