12 July 2020

News Flash

‘नारी तू नारायणी’ हे जर देशाने लक्षात घेतलं तर महिलांविरोधातली हिंसा थांबेल

एक स्त्री म्हणून मला निर्मला सीतारामन यांचा अभिमान वाटतो असंही हेमा मालिनी यांनी म्हटलं आहे

केंद्रीय अर्थमंत्री निर्मला सीतारामन यांनी आज अर्थसंकल्प सादर केला. याबाबत खासदार आणि अभिनेत्री हेमामालिनी यांना प्रतिक्रिया विचारली असता त्यांनी या बजेटचं भरभरून कौतुक केलं आहे. इतकंच नाही तर निर्मला सीतारामन या उभं राहून जेव्हा बजेट सादर करत होत्या तेव्हा एक महिला म्हणून अभिमान वाटला. महिलांबाबतच्या योजना सादर करण्याआधी त्यांनी नारी तू नारायणी असा उल्लेख केला. ही बाब जर संपूर्ण देशाने लक्षात घेतली तर महिलांविरोधातली हिंसा थांबण्यास नक्कीच मदत होईल असेही हेमामालिनी यांनी म्हटले आहे.

देशभरातल्या महिलांसाठी त्यांनी ज्या योजना सादर केल्या त्या नक्कीच महिलांचा विकास साधाणाऱ्या आहेत. एवढंच नाही तर त्यांनी तामिळ भाषेतले काही श्लोकही म्हटले. ज्या सक्षम पद्धतीने त्यांनी बजेट सादर केले ते नक्कीच वाखाणण्याजोगे आहे असंही हेमा मालिनी यांनी म्हटले आहे.

केंद्रीय अर्थमंत्री निर्मला सीतारामन यांनी आज मोदी सरकारच्या दुसऱ्या टर्मचा पहिला अर्थसंकल्प सादर केला. या अर्थसंकल्पात त्यांनी इन्कम टॅक्स रिटर्न्स भरण्यासाठी पॅन कार्ड नसल्यास आधार चालू शकणार आहे ही महत्त्वाची घोषणा केली. तसेच सोनं आणि इंधन यावरचा कर वाढवला आहे त्यामुळे आता सोनं आणि पेट्रोल, डिझेलच्या दरांमध्ये वाढ होणार आहे. पंतप्रधान नरेंद्र मोदी यांनीही निर्मला सीतारामन यांचे कौतुक केले आहे.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2019 2:41 pm

Web Title: felt great that a woman mp was presenting the union budget says bjp mp hema malini scj 81
टॅग Budget 2019
Next Stories
1 गुजरातचे माजी गृहमंत्री हरेन पंड्या हत्याप्रकरणी ७ जणांना जन्मठेप
2 देशाला निराशेच्या गर्तेतून बाहेर काढणारा अर्थसंकल्प-मोदी
3 Budget 2019: काय झाले स्वस्त आणि काय महागले? जाणून घ्या
Just Now!
X