मथुरा लोकसभा मतदार संघातील भारतीय जनता पक्षाच्या(भाजप) उमेदवार आणि ज्येष्ठ अभिनेत्री हेमा मालिनी यांच्याविरुद्ध आचार संहितेचा भंग केल्याप्रकरणी आज(सोमवार) तक्रार दाखल करण्यात आली आहे. मथुरा येथील एका शाळेमध्ये दोन दिवसांपूर्वी परवानगीशिवाय सभा आयोजित केल्याचा आरोप हेमा मालिनी यांच्यावर करण्यात आला आहे. त्यामुळे हेमा मालिनी यांच्यासमोर लोकसभा निवडणूकीच्या पार्श्वभूमीवर अडचणी निर्माण होण्याची शक्यता आहे.
