कोलकाता येथील मेडिकल कॉलेज आणि हॉस्पिटलमध्ये आग भडकली असून अग्निशमन दलाच्या १० गाडया आग विझवण्यासाठी दाखल झाल्या आहेत. या आगीत अद्यापपर्यंत तरी जिवीतहानी झालेली नाही. आतापर्यंत रुग्णांसह २५० जणांना सुरक्षित बाहेर काढण्यात आले आहे. रुग्णालयातील औषधांच्या दुकानात सकाळी ७.५८ च्या सुमारास ही आग भडकली. #Visuals: Fire breaks out in the pharmacy department of Kolkata Medical College and Hospital. 10 fire engines and Kolkata police rushed to the spot. All the patients are safe. #Kolkata pic.twitter.com/IX7ENRRpUu — ANI (@ANI) October 3, 2018 या आगीचा धूर संपूर्ण रुग्णालयाच्या इमारतीत पसरल्यानंतर काही रुग्णांनी जीव वाचवण्यासाठी खिडकीमधून उडी मारण्याचा प्रयत्न केला. बचाव पथकांनी काही रुग्णांना सलायनसह बाहेर काढण्यात आले. सध्या रुग्ण रुग्णालयाबाहेर रस्त्यावर झोपले असून मदतीच्या प्रतिक्षेत आहेत. आगीचे कारण अद्याप स्पष्ट झालेले नसून नेमके किती नुकसान झालेय ते समजू शकलेले नाही.