पाकिस्तानचे पंतप्रधान नवाझ शरीफ यांनी महत्त्वाचे असे परराष्ट्रमंत्रिपद स्वत:कडे ठेवले असून माजी मंत्री सरताज अझीज हे भारत व अमेरिका संबंधांवर शरीफ यांचे सल्लागार असणार आहेत. पंतप्रधानांचे राष्ट्रीय सुरक्षा व परराष्ट्र संबंध सल्लागार म्हणून अझीज यांची नियुक्ती करण्यात आली आहे. अंतर्गत सुरक्षामंत्री निसार अली खान हे नवीन सरकारमध्ये कायदा व सुव्यवस्थेचे प्रश्न तसेच तालिबानी दहशतवादाचा मुकाबला यावर निर्णय घेतील. झहीद हमीद - कायदा व न्याय तर शहीद खाकन अब्बासी - पेट्रोलियम व नैसर्गिक स्रोत, अब्दुल कादिर बलोच - राज्ये व सरहद्दीचे भाग, इशाक दर -अर्थ व महसूल, ख्वाजा साद रफीक - रेल्वे, गुलाम मूर्तझा जतोई - उद्योग व उत्पादन, बिरजी ताहीर - काश्मीर व गिलगीट कामकाज, परवेझ रशीद -माहिती व प्रसारण, कमरान मायकेल - बंदरे व जहाज वाहतूक, सदरूद्दीन रशीदी - परदेशातील पाकिस्तानी कामकाज या प्रमाणे खातेवाटप करण्यात आले आहे. कॅप्टन (निवृत्त) शुजात अझीम यांना पंतप्रधानांचे हवाई वाहतूक सल्लागार, पाकिस्तान मुस्लीम लीग नवाझ गटाचे नेते सनाउल्ला झेहरी व माजी राजदूत तारिक फातेमी यांना पंतप्रधानांचे खास सहायक नेमण्यात आले आहे.
