News Flash

माजी केंद्रीय मंत्री बंडारू दत्तात्रय यांच्या २१ वर्षीय मुलाचा हृदयविकाराने मृत्यू

बंडारू दत्तात्रय तेलंगणातील सिकंदराबादचे भाजपा खासदार आहेत. ते मोदी सरकारमध्ये वर्ष २०१४ ते १ सप्टेंबर २०१७ पर्यंत श्रम आणि रोजगार मंत्री होते.

माजी केंद्रीय मंत्री आणि भाजपा खासदार बंडारू दत्तात्रेय यांचा २१ वर्षीय मुलगा बंडारू वैष्णव याचा हृदयविकाराने मृत्यू झाला.

माजी केंद्रीय मंत्री आणि भाजपा खासदार बंडारू दत्तात्रेय यांचा २१ वर्षीय मुलगा बंडारू वैष्णव याचा हृदयविकाराने मृत्यू झाला. एमबीबीएसच्या तृतीय वर्षांत शिकत असलेल्या बंडारू वैष्णवने छातीत दुखत असल्याची तक्रार केल्यानंतर त्याला सिकंदराबाद येथील गुरूनानक रूग्णालयात दाखल करण्यात आले होते. उपचारादरम्यान बुधवारी उशिरा त्याचे निधन झाले. बंडारू दत्तात्रय तेलंगणातील सिकंदराबादचे भाजपा खासदार आहेत. ते मोदी सरकारमध्ये वर्ष २०१४ ते १ सप्टेंबर २०१७ पर्यंत श्रम आणि रोजगार मंत्री होते.

बंडारू दत्तात्रय हे माजी पंतप्रधान अटलबिहारी वाजपेयी यांच्या सरकारमध्येही मंत्री होते. त्यावेळीही ते श्रम आणि रोजगार मंत्री होते. त्यांच्या कार्यकाळात त्यांनी देशातील विविध भागात रोजगार मेळाव्याचे आयोजन केले होते. आंध्र प्रदेश, तेलंगणामध्ये भाजपाचा विस्तार करण्यात बंडारू दत्तात्रय यांचे मोठे योगदान आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2018 8:35 am

Web Title: former union minister bjp mp bandaru dattatreyas 21 year old son bandaru vaishnav dies of heart attack
Next Stories
1 सलग दहाव्या दिवशी इंधन दरवाढ, मुंबईत पेट्रोल ८५ रुपये
2 आघाडी सरकार चालविणे हे आव्हानच
3 काँग्रेससमोरच मुख्यमंत्रिपदाचा प्रस्ताव ठेवला होता, मात्र त्यांनी तो नाकारला
Just Now!
X