News Flash

नीरव मोदी आणि त्याच्या बहिणीची स्विस बँकेतली चार खाती गोठवली, ईडीचा दणका

पंजाब नॅशनल बँकेला १३ हजार कोटींचा चुना लावून नीरव मोदी पळाला आहे

संग्रहित छायाचित्र

नीरव मोदी आणि त्याची बहिण पूर्वी मोदी या दोघांची स्विस बँकेतली चार खाती ईडीच्या सांगण्यावरून गोठवण्यात आली आहेत. पंजाब नॅशनल बँकेला १३ हजार कोटींचा चुना लावून नीरव मोदी आणि त्याचा मामा मेहुल चोक्सी हे दोघेही पळाले आहेत. या दोघांच्याही प्रत्यार्पणासाठी भारत सरकारकडून प्रयत्न होत आहेत. याआधी नीरव मोदीचा बंगलाही पाडण्यात आला आहे. तसेच त्याची इथली स्थावर-जंगम मालमत्ताही जप्त करण्यात आली आहे. आता ईडी म्हणजेच अंमलबजावणी संचलनालयाच्या सांगण्यावरून स्विस बँकेने नीरव मोदी आणि त्याची बहिण पूर्वी मोदी यांची खाती गोठवली आहेत.

भारतात गैरव्यवहार करून नीरव मोदी गेल्या दीड वर्षापासून फरार झाला आहे. नीरव मोदीविरोधात लंडनच्या वेस्ट मिनिस्टर न्यायालयाने अटक वॉरंट जारी केले आहे. हे अटक वॉरंट जारी केल्यानंतर दोन दिवसातच नीरव मोदीला पोलिसांनी अटक केली. आता त्याची स्वित्झर्लंडमधील बँक खाती गोठवण्यात आली आहेत. सरकारचे हे मोठे यश मानले जाते आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2019 1:08 pm

Web Title: four swiss bank accounts of fugitive nirav modi and his sister purvi modi have been seized scj 81
Next Stories
1 मिठीत बाप-लेकीचा अंत! मृतदेहाचा फोटो पाहून संपूर्ण जग हळहळलं
2 भारताची प्रमुख हेर संस्था RAW मध्ये सामंत गोयल यांच्या निवडीवरुन नाराजी
3 झुंडबळी रोखण्यासाठी ‘हे’ राज्य करणार कायदा, पाच वर्षांच्या तुरुंगवासाची तरतूद
Just Now!
X