जम्मू-काश्मीरमध्ये जवानांनाच्या हाती मोठे यश आले आहे. अनंतनाग येथे झालेल्या चकमकीत चार दहशतवाद्यांचा खात्मा करण्यात आला आहे. तर अद्यापही या ठिकाणी एक दहशतवादी या दडून बसल्याची माहिती समोर आली असून, घटनास्थळी चकमक सुरू आहे. जवानांनी परिसरास वेढा दिलेला आहे. जम्मू-काश्मीरमधील अनंतनाग जिल्ह्यातील दियलगाम भागात दहशदवादी दडून बसल्याची माहिती जवानांना मिळाली होती. त्यानुसार जवानांनी परिसरात शोध मोहीम सुरु केली होती. दरम्यान, परिसरात लपून बसलेल्या दहशतवाद्यांना जवानांनावर गोळीबार सुरू केला. प्रत्त्युतरात जवानांनी केलेल्या गोळीबारात चार दहशतवाद्यांचा खात्मा झाला. एसओजी, १६४- सीआरपीएफ आणि १९-आरआर या तुकड्यांच्या जवानांनी मिळून ही संयुक्त मोहीम राबवली आहे. Jammu and Kashmir: Four terrorists have been killed by security forces and police at Dialgam village in Anantnag district. pic.twitter.com/HmllhocgD9 — ANI (@ANI) March 15, 2020 प्राप्त माहितीनुसार अनंतनागमधील चकमकीत हिजबुलचा कमांडर आणि लश्कर ए तोयबाचे तीन दहशतवादी मारले गेले आहेत. या अगोदर शोपिया जिल्ह्यातील खाजपुरा रेबन भागात जवानांनी दोन दहशतवाद्यांचा खात्मा केला होता.