लष्करी अभ्यासामुळे आपले हवाई क्षेत्र बंद करीत असल्याची घोषणा रशियाने अचानक केल्यामुळे ४९५ प्रवाशांना आणि २२ कर्मचाऱ्यांना घेऊन जाणारे फ्रान्सचे विमान बुधवारी तातडीने वळवून जर्मनीतील हेम्बर्ग विमानतळावर उतरवण्यात आले. विमान कंपनीने स्पष्ट केले की, हे प्रवासी विमान शांघाय ते पॅरिस असे जात होते. मात्र ते जर्मनीतील हेमबर्ग येथे पहाटे पाचच्या सुमारास उतरवण्यात आले. लांबचा प्रवास करावा लागल्यामुळे विमानातील इंधन संपत आले होते. त्यामुळे विमान खाली उतरवून इंधन भरल्यानंतर दीड तासाने ते पुढील प्रवासाला निघाले.
