News Flash

पेट्रोल डिझेलचा दर वाढवणं हा काँग्रेसचाच प्रोपगंडा; भाजपा खासदार प्रज्ञा साध्वींचं हास्यास्पद विधान

तर काँग्रेसनेही ठाकूर यांच्या या विधानावर टीका केली आहे.

पेट्रोल डिझेलचा दर वाढवणं हा काँग्रेसचाच प्रोपगंडा; भाजपा खासदार प्रज्ञा साध्वींचं हास्यास्पद विधान

देशभरात सातत्याने वाढणारे पेट्रोल डिझेलचे भाव जनसामान्यांसाठी मोठी डोकेदुखी ठरली आहे. मात्र एका भाजपा खासदारांनी मात्र ही इंधन दरवाढ काँग्रेसच्या प्रोपगंडाचा भाग ठरवली आहे. भाजपा खासदार प्रज्ञा सिंह ठाकूर यांनी हे विधान केलं आहे.

भोपाळच्या खासदार प्रज्ञा ठाकूर या भोपाळ महापालिकेच्या एका कार्यक्रमात बोलत होत्या. नवीन बसेसचं लोकार्पण आणि नव्या पंपहाऊसचं उद्घाटन असा हा कार्यक्रम होता. मध्यप्रदेशचे मुख्यमंत्री शिवराज सिंग चौहान यांनी दूरदृश्यप्रणालीच्या माध्यमातून हे उद्घाटन केलं.

यावेळी बोलताना ठाकूर म्हणाल्या, हे लोक जे प्रोपगंडा पसरवत आहेत की पेट्रोल महाग झालंय, डिझेल महाग झालंय. महागाई वगैरे काही नाहीये, ही काँग्रेसची मानसिकताच आहे. फुकटचा प्रोपगंडा आहे. त्याचबरोबर प्रदुषणमुक्त गाड्या उपलब्ध करुन दिल्याबद्दल त्यांनी मुख्यमंत्री चौहान यांचे आभारही मानले आहेत. त्या म्हणाल्या, पूर्वी रिक्षातून जाताना तोंडाला रुमाल लावावा लागत होता. कारण, धूळ आणि प्रदुषणचं इतकं होतं.

तर काँग्रेसनेही ठाकूर यांच्या या विधानावर टीका केली आहे. काँग्रेसचे प्रवक्ते नरेंद्र सलुजा यांनी याबद्दल ट्विट केलं आहे. या ट्विटमध्ये ते म्हणतात, पूर आला..काँग्रेसमुळे? महागाई आली..नेहरुंच्या भाषणामुळे? महागाईची अडचण आहे तर अफगाणिस्तानात जा? आणि आता प्रज्ञा सिंग ठाकूर म्हणतायत की महागाई वगैरे काही नाही, ही काँग्रेसची मानसिकताच आहे, त्यांचा प्रोपगंडा आहे? यांचं मानसिक संतुलन तपासायला हवं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2021 3:04 pm

Web Title: fuel price rise inflation nothing but congress mindset and propaganda bjp mp pragya thakur vsk 98
Next Stories
1 राम जन्मभूमीबाबत निकाल देणाऱ्या निवृत्त न्यायाधीशांच्या घराजवळ फोडण्यात आले बॉम्ब
2 डिसेंबर २०२२ पर्यंत वर्क फ्रॉम होम द्या; या राज्याची IT कंपन्यांना विनंती, करोना नाही तर हे आहे कारण…
3 खासदाराने बलात्कार केल्यानंतर स्वतःला पेटवून घेणाऱ्या महिलेचा मृत्यू; कुटुंबियांनी केले गंभीर आरोप
Just Now!
X