जगभरामध्ये करोनाबाधित रुग्णांची संख्या पुन्हा झपाट्याने वाढू लागली आहे. मात्र या संकटाच्या काळामध्ये जिब्राल्टर नावाच्या छोट्याश्या देशाने कमाल करुन दाखवलीय. आपल्या देशातील सर्व नागरिकांना करोनाची लस देण्याचा पराक्रम या देशाने केलाय. ब्रिटनचे आरोग्यमंत्री मॅट हॅनकॉक यांनी गुरुवारी दिलेल्या माहितीनुसार बुधावारी या देशातील सर्व नागरिकांचे लसीकरण पूर्ण झालं आहे. देशातील सर्व पात्र व्यक्तींना लसीचे दोन डोस देण्यात आल्याचं हॅनकॉक यांनी स्पष्ट केलं आहे. अमेरिका विरुद्ध चीन : करोना, तैवान, तिबेट. उच्च अधिकाऱ्यांच्या बैठकीत महासत्तांमध्ये जुंपली अमेरिकेकडून पैसा आणि लष्कराचा वापर करुन इतर लहान देशांवर दबाव निर्माण करण्याचा आरोप चीनने केला#USChina #Chinese #diplomats #Biden #administration #ChinaUS — LoksattaLive (@LoksattaLive) March 19, 2021 जिब्राल्टरची लोकसंख्या केवळ ३४ हजारांच्या आसपास आहे. या ठिकाणी चार हजार २६३ करोनाचे रुग्ण आढळून आले होते. देशातील ९४ जणांना करोना संसर्गामुळे मृत्यू झालाय. हॅनकॉक यांनी हाऊस ऑफ कॉमन्समध्ये यासंदर्भात माहिती देताना, "मला ही गोष्ट सांगताना खूप आनंद होत आहे की काल (बुधवारी) जिब्राल्टर जगातील पहिला असा देश ठरला आहे ज्या आपल्या सर्व नागरिकांचे लसीकरण पूर्ण केलं आहे," असं सांगितलं. या संकटाच्या प्रसंगी जिब्राल्टरच्या नागरिकांनी दाखवलेला संयम आणि साहसाचं मी कौतुक करतो, असं म्हणत हॅनकॉक यांनी जिब्राल्टरच्या नागरिकांचं कौतुक केलं. फ्रान्स : करोनाची तिसरी लाट आल्याने एक महिन्याचा लॉकडाउन घोषित; राष्ट्राध्यक्षांवर राजकीय संकटाची टांगती तलवार मागील वर्षी मार्च, नोव्हेंबरनंतर आता फ्रान्समध्ये तिसरा लॉकडाउन#France #Lockdwon #Corona #CoronaVirusUpdates — LoksattaLive (@LoksattaLive) March 19, 2021 फोटो सौजन्य: रॉयटर्स पुढे बोलताना हॅनकॉक यांनी, "ब्रिटीश देशांच्या समुहामध्ये असणाऱ्या या देशातील लसीकरणाची मोहीम यशस्वीपणे राबवण्यामध्ये सर्व देशांमधील सहकार्य मोलाचं ठरलं," असंही सांगितलं. जिब्राल्टरचे प्रमुख फॅबियन पिकार्डो यांनी लसीकरणासाठी यूनायटेड किंग्डम सरकारचे आभार मानले. पीपीई कीट, लसी आणि चाचण्यांसाठी लागणारी सर्व आर्थिक मदत ब्रिटनने आम्हाला केल्याबद्दल आम्ही त्यांचे आभारी आहोत असं पिकार्डो म्हणाले. जिब्राल्टरमध्ये सध्या करोनाचे २६ रुग्ण असले तरी त्यापैकी १० जण परदेशी आहेत. जिब्राल्टर हा स्वतंत्र देश असला तरी त्यावर ब्रिटनचं नियंत्रण असल्याने येथील लसीकरणासाठी ब्रिटननेच मदत केलीय. Great to hear @MattHancock mention #Gibraltar's brilliant @GHAWeb vaccination roll out! Our gratitude always for the way @DHSCgovuk has worked to assure our @pfizer supply with @FCDOGovUK @Convent_Gib @MODGibraltar @DefenceHQ @RAF_Gib @RoyalAirForce @RGPolice and @RoyalGIBRegt. — Fabian Picardo (@FabianPicardo) March 18, 2021 जिब्राल्टरमधील ही लसीकरण मोहीम यशस्वी झाल्याने इतर देशांचाही आत्मविश्वास वाढण्यास मदत होणार आहे. स्पेन आणि इतर युरोपीयन देशांमध्ये एस्ट्राजेनेकाच्या लसीसंदर्भात वेगवेगळे दावे केले जात असतानाच जिब्राल्टरमधून आलेली ही बातमी दिलासा देणारी आहे. युरोपियन महासंघाची औषध नियामक संघटना असणाऱ्या युरोपियन मेडिसिन एजन्सीने एस्ट्राजेनेका ही करोना लस सुरक्षित असल्याचा खुलासा केला आहे. त्यानंतर इटली, फ्रान्स आणि इतर देशांनाही ही लस वापरण्यास सुरुवात केलीय.