राजस्थानात संगनेर येथे सात महिन्यांपूर्वी एका १७ वर्षांच्या मुलीवर एकाने इतर तिघांच्या मदतीने बलात्कार करून त्याचे चित्रीकरण केले व त्याचा वापर करून या मुलीला ब्लॅकमेल करण्यात येत आहे असे पोलिसांनी सांगितले.या मुलीने असे म्हटले आहे की, गेल्या वर्षी जूनमध्ये या चारजणांनी आपल्याला खेडय़ातून संगनेर येथे नेले व महेंद्र नावाच्या व्यक्तीने आपल्यावर बलात्कार करून त्याची व्हिडिओ काढली त्यानंतर तिला व्हिडिओ प्रसारित करण्याची धमकी देऊन तिच्या घरून पैसे उकळण्याचा प्रयत्न केला. महेंद्र मीणा, राहुल, गुड्डी व राजेंद्र यांनीही तिच्याकडून पैसे उकळण्याचा प्रयत्न केला. तिने त्यांना जून ते नोव्हेंबपर्यंत २.३० लाख रुपये दिले, महेंद्र याने तिच्यावर पुन्हा बलात्कार केला होता. पोलिसांनी प्राथमिक माहिती अहवाल संगनेर पोलीस स्टेशनला दाखल केला. मुलांची लैंगिक छळवणूक विरोधी कायदाअन्वये गुन्हा दाखल करण्यात आला आहे. या प्रकरणी चौकशी सुरू आहे. संगनेर हे ठिकाण जयपूरच्या दक्षिणेला १६ कि.मी. अंतरावर आहे.
