News Flash

जागतिक अस्थैर्याचे शेअर बाजारात पडसाद, सेन्सेक्स १५०० अंकांनी गडगडला

जागतिक बाँड बाजारात घसरण झाल्यामुळे गुंतवणूकदारांचा मोठ्या प्रमाणात तोटा

(प्रातिनिधीक छायाचित्र)

शुक्रवारी बीएसई आणि नॅशनल स्टॉक एक्सचेंज (एनएसई) मधील बेंचमार्क इक्विटी निर्देशांक जवळपास ४ टक्क्यांनी घसरले. जागतिक बाँड बाजारात घसरण झाल्यामुळे गुंतवणूकदारांचा मोठ्या प्रमाणात तोटा झाला आणि इतर मालमत्तांच्या विक्रीत वाढ होण्याची भीती निर्माण झाली.

एस अॅन्ड पी बीएसई सेन्सेक्स १९३९.३२ अंकांनी (३.८० टक्के) घसरून ४९,०९९.९९ वर स्थिरावला, तर निफ्टी५० हा निर्देशांक ५६८.२० अंकांनी घसरून १४,५२९.१५ वर येऊन थांबला.संपूर्ण दिवसातील व्यापारात सेन्सेक्स २,१४८.८३ अंकांनी घसरून तो ४८,८९० या नीचांकावर पोहोचला, तर निफ्टी ६२९.६०अंकांनी घसरला आणि १४,४६७.७५ या नीचांकी पातळीवर येऊन स्थिर झाला.

जागतिक बाजार

शुक्रवारी जागतिक स्टॉक बाजारात घसरण झाली. नऊ महिन्यांत आशियाई स्टॉकमध्ये झालेली मोठी घसरण पाहण्यात आली. जागतिक बाँड बाजारात घसरण झाल्यामुळे गुंतवणूकदारांचा मोठ्या प्रमाणात तोटा झाला आणि इतर मालमत्तांच्या विक्रीत वाढ होण्याची भीती निर्माण झाली.

एमएससीआयच्या इमर्जिंग मार्केट्स इक्विटी निर्देशांकात जवळपास १० महिन्यांतील सर्वात मोठी घसरण झाली आणि तो २.७ टक्क्यांनी कमी झाला, एसटीओएक्सएक्स ६०० मध्ये 0.7 टक्क्यांनी घट झाली. एमएससीआय वर्ल्ड इक्विटी इंडेक्स जो ५० देशांमधील समभागांचा मागोवा घेतो, तो ०.९ टक्क्यांनी कमी होता म्हणजे यात एका महिन्यातील सर्वात जास्त नुकसान झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2021 11:01 am

Web Title: global selloff leads to crash sensex by 1939 points nifty ends below 14550 sbi 84
Next Stories
1 “लस दिल्यानंतर पहिली प्रतिक्रिया देताना मोदी म्हणाले…”; नर्सनेच केला खुलासा
2 सर्वसामान्यांना पुन्हा झटका, चार दिवसांत दुसऱ्यांदा घरगुती गॅसच्या किंमती २५ रुपयांनी वाढल्या
3 पुन्हा एकदा चीन अमेरिका संघर्ष?; अमेरिकेच्या एका कृतीमुळे चीनने डागली शेकडो क्षेपणास्त्रं
Just Now!
X