News Flash

गोव्यातील कॅसिनो १ नोव्हेंबरपासून पुन्हा सुरू होणार; मात्र…

मुख्यमंत्री प्रमोद सावंत यांनी दिली माहिती ; राज्य मंत्रिमंडळाच्या बैठकीत घेण्यात आला निर्णय

संग्रहीत

गोव्याच्या मंत्रिमंळाने बुधवारी राज्यातील कॅसिनोंना पुन्हा सुरू करण्याचा निर्णय घेतला आहे. त्यानुसार १ नोव्हेबरपासून गोव्यातील कॅसिनो पुन्हा सुरू होत आहेत. मात्र, करोना संसर्ग रोखण्याच्यादृष्टीने कॅसिनो चालकांना सर्व नियमांचे व मार्गदर्शक सूचनांचे पालन करावे लागणार आहे.

गोव्यात सुमद्र किनाऱ्यापासून काही अंतरावर सहा व किनारपट्टीवर डझनभर कॅसिनो आहेत. जे मार्चमध्ये करोना लॉकडाउन सुरू झाल्यापासून बंद होते.

या संदर्भात कॅबिनेटच्या बैठकीनंतर गोव्याचे मुख्यमंत्री प्रमोद सावंत यांनी माध्यमांना माहिती देताना म्हटले की, ”१ नोव्हेंबरपासून राज्यातील कॅसिनो पुन्हा सुरू करण्याचा राज्य मंत्रिमळाच्या बैठकीत निर्णय घेण्यात आला आहे.”

या कॅसिनोंना ५० टक्के क्षमतेसह सुरू करण्याची परवानगी देण्यात आली आहे. तसेच, राज्याच्या गृह मंत्रालयाने ठरवून दिलेल्या सर्व नियमांचे त्यांना पालन करावे लागणार आहे. तसेच, कॅसिनो चालकांना कॅसिनो सुरू करण्या अगोदर त्यांचे परवाना शुल्क भरावे लागणार असल्याचेही मुख्यमंत्री सावंत यांनी सांगितले आहे.

लॉकडाउनच्या प्रदीर्घ कालावधीनंतर आता अनलॉक प्रक्रियेअंतर्गत राज्याची अर्थव्यवस्था सुरळीत करणयाच्या पार्श्वभूमीवर हळूहळू विविध उद्योग व पर्यटन उपक्रमांना पूर्ववत केले जात आहे. पर्यटन व्यवसाय हा गोव्यातील अर्थव्यवस्थेला चालना देण्यासाठी एक महत्वाचा स्त्रोत मानला जातो.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 28, 2020 2:46 pm

Web Title: goa cabinet decided to allow casinos to reopen in the state from november 1 msr 87
Next Stories
1 महिलांना Sex Slaves बनवणाऱ्याला १२० वर्षांचा तुरुंगवास
2 “फेक न्यूज पुरे झाल्या”; डोनाल्ड ट्रम्प यांची प्रचाराची साईट हॅक
3 जम्मू-काश्मीर : बडगाममध्ये दोन दहशतवाद्यांचा खात्मा, एक जवान जखमी
Just Now!
X