25 February 2021

News Flash

गोव्याचे मुख्यमंत्री मनोहर पर्रिकर यांना रक्ताची उलटी

त्यांच्या छातीत कोणताही संसर्ग झाला नाही हे गोव्यातील प्रवक्त्याने स्पष्ट केले

गोव्याचे मुख्यमंत्री मनोहर पर्रिकर यांना रक्ताची उलटी झाल्याची माहिती समोर आली आहे. मात्र त्यांच्या छातीत कोणताही संसर्ग झालेला नाही अशी माहिती गोवा सरकारचे प्रतिनिधी प्रमोद सावंत यांनी दिली आहे.

गोव्याचे मुख्यमंत्री मनोहर पर्रिकर यांची प्रकृती बिघडल्याने त्यांना गोवा मेडिकल कॉलेज रूग्णालयात दाखल करण्यात आलं आहे. मुख्यमंत्री कार्यालयाच्या माहितीनुसार मुख्यमंत्री पर्रिकरांना गॅस्ट्रोइंटेस्टाइनल एंडोस्कोपीसाठी रुग्णालयात दाखल करण्यात आले आहे. दरम्यान त्यांच्या काही चाचण्या करण्यात येणार आहे. दरम्यान मनोहर पर्रीकर यांची प्रकृती स्थिर असल्याची माहिती गोव्याचे आरोग्यमंत्री विश्वजीत राणे यांनी दिली आहे. तर रक्ताची उलटी झाली असली तरीही त्यांच्या छातीत कोणताही संसर्ग झालेला नाही असं प्रमोद सावंत यांनी म्हटलं आहे.

दरम्यान महाराष्ट्राचे माजी मुख्यमंत्री पृथ्वीराज चव्हाण यांनी राफेल प्रकरणावरून पंतप्रधान नरेंद्र मोदींना पर्रिकरांनी ब्लॅकमेल केले आहे असा आरोप केला. राफेलची फाईल माझ्या बेडरुममध्ये आहे हे पंतप्रधानांना सांगणे ही धमकीच होती. गोव्यातील सत्तेतून पर्रिकरांना हटवले जाऊ नये यासाठी पंतप्रधान नरेंद्र मोदींवर दबाव टाकण्यात आला असेही चव्हाण यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 26, 2019 4:12 am

Web Title: goa cm manohar parrikar had vomitted some blood but there was no chest infection said pramod sawant
Next Stories
1 मल्याळी चित्रपट निर्मात्या नयना सूर्यन यांचा मृतदेह सापडला
2 ‘जैश’सह सर्व संघटनांवर कारवाई करा ; युरोपीय समुदायाची मागणी
3 रॉबर्ट वढेरा यांचे जाबजबाब घेण्यास स्थगिती नाही
Just Now!
X