News Flash

ग्रामीण महिलांमधून उद्योजक घडवण्यासाठी गुगल मदत करणार; पाच लाख डॉलरचे अनुदान

ग्रामीण महिला उद्योजकांना मार्गदर्शन देणारे 'वुमन विल' वेब प्लॅटफॉर्म करणार सुरू

(संग्रहित छायाचित्र)

आंतरराष्ट्रीय महिला दिनानिमित्त गुगल फॉर इंडिया इव्हेंटच्या व्हर्च्युअल आवृत्तीत महिला उद्योजकांना पाठबळ देण्याच्या योजनेची गूगलने सोमवारी घोषणा केली.

गुगलने बिहार, हरियाणा, हिमाचल प्रदेश, राजस्थान, उत्तराखंड आणि उत्तर प्रदेश या सहा राज्यांत डिजिटल आणि आर्थिक साक्षरता प्रशिक्षण देण्यासाठी नॅसकॉम फाउंडेशनला ५ लाख डॉलर्सचे अनुदान दिले. या कार्यक्रमा अंतर्गत १ लक्ष महिला कृषी कामगारांना पाठबळ देण्यात येण्याचा विचार आहे.

ग्रामीण महिला उद्योजकांना समुदाय सहाय्य, मार्गदर्शनासाठी आणि इतर कार्यक्रमांचे मार्गदर्शन देणारे ‘वुमन विल’ वेब प्लॅटफॉर्म सुरू करण्याची घोषणाही या समितीने केली आहे. गुगलने म्हटले आहे की, महिला उद्योजकांच्या कल्पनांना व्यवसायात बदलण्यात मदत करण्यासाठी आणि त्यांचा प्रचार करण्यासाठी हे प्लॅटफॉर्म काम करणार आहे.

त्यात म्हटले आहे की गुगल.ऑर्ग भारत आणि जगभरातील सामाजिक संस्थांना एकूण २५ दशलक्ष डॉलर्सची तरतूद करेल जी महिला व मुलींच्या आर्थिक सशक्तीकरणाला चालना देण्यासाठी मदत करेल.

महिला दिनाच्या निम्मित्ताने गुगल पेने बिझिनेस पेजेस लॉन्च करण्याची घोषणा केली जी होमप्रेयर्सना त्यांची उत्पादने आणि सेवांची सोपे कॅटलॉग तयार करण्यास सक्षम करेल आणि एका विशिष्ट यूआरएलद्वारे लोकांना त्यांच्यापर्यंत पोहोचवेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 8, 2021 2:06 pm

Web Title: google commits 5 lakh dollar grant to support women agriculture workers sbi 84
Next Stories
1 फ्रान्स, बेल्जियम, ऑस्ट्रियापाठोपाठ आता स्वित्झर्लंडमध्येही ‘बुरखा बंदी’; जनमत चाचणीनंतर घेतला निर्णय
2 सब-इन्स्पेक्टरचा पोलिस ठाण्याच्या आवारातच महिलेवर बलात्कार
3 ‘जागतिक पुरुष दिन’ सुध्दा साजरा केला जावा; सोनल मानसिंग यांचं आवाहन
Just Now!
X