14 August 2020

News Flash

राजस्थानमध्ये राजकीय हादरे; उपमुख्यमंत्री सचिन पायलट २२ आमदारांसह दिल्लीत दाखल

मध्य प्रदेशमधील राजकीय पॅटर्नची राजस्थानातही पुनरावृत्ती?

राजस्थानातील सद्य राजकीय स्थितीची मध्य प्रदेश, कर्नाटक बरोबर तुलना केली जात आहे. या दोन राज्यातही काँग्रेसची सरकारे होती. पण मध्य प्रदेशात ज्योतिरादित्य शिंदेंची बंडखोरी आणि कर्नाटकात आमदारांची बंडखोरी यामुळे तिथली काँग्रेसची सरकारे कोसळली. (फोटो- इंडियन एक्स्प्रेस)

तीन महिन्यांपूर्वी मध्य प्रदेशातील सत्तेवरून पायउतार व्हावं लागलेल्या काँग्रेससाठी राजस्थान नवी डोकेदुखी ठरण्याची चिन्ह आहेत. राजस्थानमधील सत्तेला राजकीय हादरे जाणवू लागल्याचं दिसत आहे. काँग्रेसचं सरकार पाडण्यासाठी भाजपाकडून घोडेबाजाराचा प्रयत्न सुरू असल्याचा धक्कादायक आरोप राजस्थानचे मुख्यमंत्री अशोक गेहलोत यांनी केला होता. त्यानंतर वेगवान घडामोडी घडल्या असून, उपमुख्यमंत्री सचिन पायलट हे २२ आमदारांसह दिल्लीत दाखल झाले आहेत. त्यामुळे मध्य प्रदेशमधील राजकीय पॅटर्नची राजस्थानातही पुनरावृत्ती होते की काय अशी चर्चा सध्या सुरू झाली आहे.

मध्य प्रदेशात काँग्रेसमध्ये दुफळी निर्माण झाल्यानंतर ज्योतिरादित्य शिंदे यांनी भाजपात प्रवेश केला होता. त्याचबरोबर काँग्रेसचे काही आमदारही भाजपात दाखल झाल्यानं तत्कालीन मुख्यमंत्री कमलनाथ यांचं सरकार अल्पमतात येऊन कोसळलं. त्यानंतर भाजपानं मध्य प्रदेशातील सत्तेची सूत्र हाती घेतली. या घटनेला तीन महिने लोटत नाही, तोच राजस्थानातही अस्थिरतेचे हादरे जाणवू लागले आहेत. मुख्यमंत्री अशोक गेहलोत यांनी सरकार पाडण्यासाठी भाजपाकडून प्रयत्न होत असल्याचा आरोप केला होता.

त्यानंतर काल (११ जुलै) राजस्थानचे उपमुख्यमंत्री सचिन पायलट हे २२ आमदारांना घेऊन दिल्लीला गेले. या आमदारांना हरयाणातील गुरुग्रामध्ये एका रिसॉर्टवर ठेवण्यात आलं आहे. शनिवारी रात्री आमदार ‘आयटीसी हॉटेल ग्रॅण्ड’मध्ये दाखल झाल्यानंतर हरयाणा पोलिसांच्या हॉटेल बाहेरील हालचाली वाढल्याचं वृत्त आहे. त्याचबरोबर हे आमदार हॉटेलमध्ये येणार असल्याची माहिती आधीपासूनच मिळाली होती. त्यामुळे यंत्रणा आधीच सर्तक झाली होती.

मागील काही महिन्यांपासून मुख्यमंत्री अशोक गेहलोत व उपमुख्यमंत्री सचिन पायलट यांच्यामध्ये वर्चस्वावरून धुसफूस सुरू आहे. दोन्ही नेत्यांमध्ये अविश्वास असल्याचं बोललं जात असून, त्यामुळे सचिन पायलट हे नाराज असल्याचं समजतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2020 8:49 am

Web Title: government instability in rajasthan sachin pilot reached delhi bmh 90
Next Stories
1 करोनावर केंद्रीय नियंत्रणाचा मोदींचा सल्ला
2 केंद्रीय गृहमंत्र्यांकडे राज्यांच्या आढाव्याची मागणी
3 राजस्थानातील घोडेबाजारप्रकरणी मुख्यमंत्री, उपमुख्यमंत्र्यांना नोटिसा
Just Now!
X