News Flash

व्यापाऱ्यांकडून डाळींची परदेशात साठेबाजी

बडे व्यापारी आणि आयातदारांनी परदेशात डाळींची मोठय़ा प्रमाणावर साठेबाजी केली

| December 9, 2015 01:39 am

रामविलास पासवान

रामविलास पासवान यांची माहिती
बडे व्यापारी आणि आयातदारांनी परदेशात डाळींची मोठय़ा प्रमाणावर साठेबाजी केली असल्याची तक्रार सरकारकडे प्राप्त झाली असल्याची माहिती केंद्रीय अन्नपुरवठामंत्री रामविलास पासवान यांनी मंगळवारी लोकसभेत दिली.
तथापि, जीवनावश्यक वस्तू कायदा १९५५ आणि ब्लॅक मार्केटिंग आणि जीवनावश्यक वस्तू पुरवठा परिरक्षण कायदा १९८० अन्वये केवळ देशातील साठेबाजीविरुद्धच कारवाई करता येते, असेही पासवान यांनी सभागृहात सांगितले. देशात सध्या निर्माण झालेल्या डाळींच्या तुटवडय़ाला बडय़ा घाऊक कंपन्या जबाबदार असल्याचे अखिल भारतीय व्यापारी महासंघाने स्पष्ट केले आहे त्याची सरकारने नोंद घेतली आहे का, असा सवाल विचारण्यात आला होता. देशातील १४ राज्यांमध्ये टाकण्यात आलेल्या १४ हजार १३४ छाप्यांत १.३० लाख टन डाळ जप्त करण्यात आल्याची माहिती पासवान यांनी एका प्रश्नाच्या उत्तरात दिली. त्यापैकी ५१ हजार ७३२.२७ टन डाळ बाजारपेठेत वितरित करण्यात आली आहे, असेही ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 9, 2015 1:39 am

Web Title: govt receives information of alleged pulses hoarding by foreign importers says food minister ram vilas paswan
Next Stories
1 पाकिस्तान, बांगलादेशातील अल्पसंख्य निर्वासितांना भारतात वास्तव्याची मुभा
2 आयसिसच्या प्रसाराविरोधात सरकारच्या उपाययोजना
3 मुस्लिमांना अमेरिकेत प्रवेशबंदीवर ट्रम्प ठाम
Just Now!
X