हिरवी मिर्ची, कोबीचे फूल, टेलिफोन, आईस्क्रीम, बूट, चप्पल, बादली.. एखाद्या अंकलिपीतील ही चित्राक्षरे असावीत असे कदाचित तुम्हाला वाटेल. पण प्रत्यक्षात बिहार विधानसभा निवडणुकीच्या रिंगणात उतरलेल्या नोंदणीकृत परंतु मान्यताप्राप्त नसलेल्या राजकीय पक्षांना देण्यात आलेली ही निवडणूक चिन्हे आहेत! ही चिन्हे जितकी रोचक आहेत, तितकीच निवडणुकीच्या मैदानातील काही पक्षांची नावेही मनोरंजक आहेत. आप और हम पार्टी, नॅशनल टायगर पार्टी, राथी और आपका फैसला अशी काही पक्षांची चित्रविचित्र नावे आहेत.
