गुजरातमधील बडोदा येथील वाघोडिया क्रासिंग हायवेवर आज(बुधवार) पहाटे दोन ट्रकचा भीषण अपघात घडला. यामध्ये ११ जणांचा मृत्यू झाला असून, १७ जण जखमी झाले आहेत. अपघातामधी जखमींना तातडीने रुग्णालयात दाखल करण्यता आले आहे. पहाटे ४ वाजेच्या सुमारास ही घटना घडल्याचे सांगितले जात आहे. या भीषण अपघातानंतर महामार्गावर मोठी वाहतूक कोंडी निर्माण झाली होती. Death toll rises to 11 in the incident in Vadodara: Ranjan Ayyer, Superintendent, SSG Hospital, Vadodara Two trucks collided with each other at Waghodia Crossing Highway in Vadodara earlier this morning. — ANI (@ANI) November 18, 2020 या दुर्घटनेबद्दल गुजरातचे मुख्यमंत्री विजय रुपाणी यांनी दुःख व्यक्त केले आहे. त्यांनी ट्विट करून म्हटले की, ''बडोदा जवळ रस्ते अपघातामुळे मृत्यू झाल्याचे ऐकून दुःख होत आहे. प्रशासकीय अधिकाऱ्यांना आवश्यक ती कार्यवाही करण्याचे निर्देश दिले आहेत. जी लोकं जखमी आहेत ते लवकरात लवकर बरे व्हावेत. तसेच, मृत्यू झालेल्यांच्या आत्म्यास शांती लाभो अशी मी प्रार्थना करतो.'' Saddened by the loss of lives due to a road accident near Vadodara. Instructed officials to do needful. May those who have been injured recover at the earliest. I pray for the departed souls. Om Shanti. — Vijay Rupani (@vijayrupanibjp) November 18, 2020 तर, गुजरातमधील सुरेंद्रनगर जिल्ह्यातील कोठारिया गावाजवळ आज सकाळी चालकाचे वाहनावरील नियंत्रण ढळल्याने, चार जणांचा मृत्यू झाल्याची घटना घडल्याचेही समोर आले आहे.