गुजरातचे मुख्यमंत्री विजय रुपानी यांना करोनाचा संसर्ग झाला आहे. त्यांची करोना टेस्ट पॉझिटिव्ह आली आहे. सध्या त्यांच्यावर रुग्णालयात उपचार सुरू आहेत.

काल (रविवार) सायंकाळी एका कार्यक्रमात भाषण करत असतानाच त्यांना चक्कर आल्याने ते स्टेजवर कोसळले होते. ६४ वर्षीय विजय रुपानी २०१६ पासून गुजरातचे मुख्यमंत्री आहेत.

विजय रुपानी यांची प्रकृती सध्या स्थिर असून ब्लड प्रेशर कमी झाल्याने त्यांना चक्कर आल्याची माहिती अधिकाऱ्यांनी दिली होती.  त्यांना अहमदाबादमधील युएन मेहता रुग्णालयात नेलं जाणार असल्याचं सांगण्यात आलं होतं. दरम्यान, महापालिका निवडणुकीच्या निमित्ताने विजय रुपानी वडोदरा येथील नझीमपुरा परिसरात आयोजित रॅलीमध्ये सहभागी झाले होते. याचवेळी हा सगळा प्रकार घडला.