27 May 2020

News Flash

500 आणि २ हजाराच्या बनावट नोटांच्या जप्तीमध्ये देशात गुजरात ‘टॉप’वर

मिझोराम दुसऱ्या स्थानावर असून

देशात बनावट नोटांमध्ये गुजरात अव्वल स्थानावर असून जानेवारी २०१७ ते फेब्रुवारी २०१८ या कालावधीत गुजरातमधून ५०० आणि दोन हजार रुपयांच्या सर्वाधिक बनावट नोटा जप्त करण्यात आल्याची माहिती समोर आली आहे. जानेवारी २०१७ ते फेब्रुवारी २०१८ या कालावधीत संपूर्ण देशातून ६.७७ कोटी रुपयांच्या बनावट नोटा जप्त करण्यात आल्या. त्यात गुजरातममध्ये २.३१ कोटी रुपयांच्या बनावट नोटा सापडल्या.

ईशान्य भारतातील मिझोराम दुसऱ्या स्थानावर असून तिथून १.२३ कोटी रुपये पाठोपाठ उत्तर प्रदेशातून १.२१ कोटीच्या बनावट नोटा जप्त करण्यात आल्या. एनसीआरबीच्या आकडेवारीनुसार ५०० रुपयाच्या ५,८४६ आणि दोन हजार रुपयांच्या २२,८३२ नोटा गुजरातमधून जप्त करण्यात आल्या. संपूर्ण भारतातून ५०० रुपयाच्या २५,५६८ आणि २ हजाराच्या ३३,३०४ नोटा जप्त केल्या.

गुजरात समृद्ध राज्य असून तिथे व्यवसाय, उद्योगधंदे जोरात सुरु आहेत. बनावट नोटांच्या वितरणाला इथे जास्त वाव आहे असे एका वरिष्ठ अधिकाऱ्याने सांगितले. बनावट नोटांचे वितरण करताना ज्यांना पकडले त्यांचे मूळ पश्चिम बंगाल आणि बांगलादेशमध्ये आहे. गुजरातमधून या नोटा मुंबई, दिल्ली आणि बंगळुरु या राज्यांमध्ये पोहोचतात. या अशा नोटांमुळे अर्थव्यवस्था कमकुवत होते असे अधिकाऱ्याने सांगितले.

पंतप्रधान नरेंद्र मोदी यांनी आठ नोव्हेंबर २०१६ च्या रात्री नोटाबंदीचा निर्णय जाहीर केल्यानंतर पाचशे आणि एक हजार रुपयाच्या नोटा चलनातून बाद झाल्या. त्यानंतर सरकारने लगेचच २ हजार आणि पाचशेची नवी नोट बाजारात आणली. नोटाबंदीनंतरच्या पहिल्या वर्षात गुजरातमध्ये सर्वाधिक बनावट नोटा सापडल्या आहेत.

 

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 29, 2018 4:23 pm

Web Title: gujarat tops in fake currency
Next Stories
1 ‘तुम्ही तुमचे वजन घटवा आणि काँग्रेसचे वजन वाढवा’ उपराष्ट्रपतींचा रेणुका चौधरींना खोचक सल्ला
2 उत्तर प्रदेशातील पठ्ठ्याने उभी केली कर्नाटक बँकेची बनावट ब्रांच, पोलिसांनी ठोकल्या बेड्या
3 Video: ऑस्ट्रेलियात भारतीय वृद्धेवर वर्णद्वेषी टीका
Just Now!
X