वाराणशीच्या जिल्हा न्यायालयाच्या परिसरात शनिवारी एक हातबॉम्ब सापडल्यामुळे या ठिकाणी दहशत पसरली होती. एका पॉलिथिनच्या पिशवीत गुंडाळलेला हा बॉम्ब कुटुंब न्यायालयाजवळ सकाळी ९.४०च्या सुमारास आढळला. यानंतर पोलिसांनी हा संपूर्ण भाग रिकामा करवला आणि बॉम्बनाशक पथकाच्या मदतीने शोधमोहीम राबवली. हा बॉम्ब नंतर निकामी करण्यात आला, असे पोलीस अधीक्षक आकाश कुल्हारी म्हणाले. गंगा नदीच्या घाटांवर तसेच या भागातील इतर धार्मिक स्थळांवर शोधमोहीम हाती घेण्यात आली आहे, असेही त्यांनी सांगितले.
