News Flash

“आत्तापर्यंत १७.३५ कोटींहून अधिक लसी मोफत पुरवल्या”

केंद्रीय आरोग्य मंत्रालयाने लसींच्या पुरवठ्याबद्दलची महत्त्वाची आकडेवारी जाहीर केली आहे.

प्रतिकात्मक छायाचित्र

देशात तिसऱ्या टप्प्यातल्या करोना प्रतिबंधक लसीकऱणाला सुरुवात झाली आहे. मात्र, लसींच्या तुटवड्यामुळे अनेक ठिकाणचं लसीकरण थांबलं आहे, तर अनेक ठिकाणी लसीकऱण अद्याप सुरु झालेलं नाही. केंद्राकडून होणारा पुरवठा अपुरा असल्याची खंत अनेक राज्यांनी बोलून दाखवली आहे. आता केंद्रीय आरोग्य मंत्रालयाने लसींच्या पुरवठ्यांची आकडेवारी जाहीर केली आहे.

भारत सरकारने आत्तापर्यंत १७.३५ कोटींहून अधिक लसींचे डोस राज्य आणि केंद्रशासित प्रदेशांना मोफत पुरवल्याची माहिती केंद्रीय आरोग्य मंत्रालयाकडून देण्यात आली आहे. ९० लाखांहून अधिक डोस अजूनही राज्य आणि केंद्रशासित प्रदेशांकडे पाठवायचे आहेत. तसंच पुढच्या तीन दिवसांमध्ये १० लाखांहून अधिक डोस त्यांच्यापर्यंत पोहोचणार असल्याचंही आरोग्य मंत्रालयाने सांगितलं आहे.

दरम्यान, लसींच्या अपुऱ्या पुरवठ्यामुळे अनेक राज्यांकडून केंद्र सरकारवर टीका केली जात आहे. पश्चिम बंगालच्या मुख्यमंत्री ममता बॅनर्जी यांनी केंद्र सरकारवर करोना लसीकरणाच्या धोरणावरुन टीका केलीय. पंतप्रधान नरेंद्र मोदी यांनी अद्याप लसीकरणाच्या मुद्दयावरील माझ्या पत्राला उत्तर दिलेलं नाही, असे ममता यांनी गुरूवारी सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2021 11:05 am

Web Title: health ministry declares the number of vaccines provided to the states and union territories vsk 98
Next Stories
1 द्रमुकचे प्रमुख एमके स्टालिन तमिळनाडूच्या मुख्यमंत्रीपदी विराजमान
2 “सरकार संवेदनशील, तत्पर, कष्टाने काम करणारं असल्याची सकारात्मक प्रतिमा निर्माण करुन लोकांपर्यंत पोहचवा”
3 “…हा तर गुन्हेगारी स्वरूपातील अपव्यय”; राहुल गांधींचा मोदी सरकारवर निशाणा
Just Now!
X