शांततेची भाषा करणाऱ्या पाकिस्तानच्या सीमेवरती नापाक कारवाया थांबलेल्या नाहीत. सलग आठव्या दिवशी पाकिस्तानने शस्त्रसंधीचे उल्लंघन केले. नियंत्रण रेषेवर पूँछ आणि राजौरी जिल्ह्यात पाकिस्तानकडून तुफान गोळीबार सुरु आहे.

पाकिस्तानच्या या गोळीबारात एक महिला जखमी झाली. पूँछ मधल्या नागरी भागांना लक्ष्य करण्यासाठी पाकिस्तानकडून हॉवित्झर १०५ एमएमचा वापर करण्यात येत आहे.

पाकिस्तानी सैन्याकडून गोळीबाराबरोबर मोर्टारही डागण्यात येत आहेत. भारताकडूनही पाकिस्तानच्या या आगळीकीला चोख प्रत्युत्तर दिले जात आहे. पूँछच्या मानकोटी भागात नसीम अख्तर ही महिला जखमी झाली.