28 February 2021

News Flash

२६ जानेवारीला दिल्लीसह देशातील प्रमुख शहरांत हाय अलर्ट

दहशतवादी लपून बसल्याची गुप्तचर यंत्रणांची माहिती

संग्रहित छायाचित्र

२६ जानेवारी या प्रजासत्ताक दिनाच्या पार्श्वभूमीवर देशात गुप्तचर खात्याने हाय अलर्ट जाहीर केला आहे. दिल्लीतील जामा मशिद परिसरात दहशतवादी लपून बसल्याची माहिती गुप्तचर विभागाला मिळाल्यामुळे हा हाय अलर्ट जाहीर करण्यात आला आहे. याबरोबरच देशातील इतर प्रमुख शहरातही हाय अलर्ट जाहीर करण्यात आला आहे. दिल्ली पोलिसांनी २६ जानेवारीच्या हल्ल्याच्या कटात सहभाग असल्याच्या आरोपाखाली बिलाल अहमद कावा याला शुक्रवारी अटक केली होती. त्या पार्श्वभूमीवर हा इशारा महत्वाचा मानला जात आहे.

प्रजासत्ताक दिनानिमित्त देशभरात ठिकठिकाणी विशेष सुरक्षा व्यवस्था असते. परंतु, दिल्लीतील जामा मशिद परिसरात तीन संशयित दहशतवादी लपले असून ते प्रजासत्ताक दिनी घातपात घडवण्याची शक्यता गुप्तचर खात्याने वर्तवली असल्याने हाय अलर्ट जाहीर करण्यात आला आहे. ‘एबीपी न्यूज’ने दिलेल्या वृत्तानुसार, जामा मशिद परिसरात तीन संशयित लपल्याची माहिती गुप्तचर यंत्रणांना मिळाली आहे. हे संशयित दहशतवादी मोठ्या घातपाताच्या तयारीत असून ते अफगाणिस्तानचे असल्याचेही गुप्तचर यंत्रणांनी स्पष्ट केलं आहे. काश्मीरच्या पुलवामामधून त्यांना विविध प्रकारच्या सूचना दिल्या जात आहेत. त्यामुळे प्रजासत्ताक दिनाला कोणतीही वाईट घटना घडू नये यादृष्टीने हा हाय अलर्ट देण्यात आला आहे. दिल्ली पोलिसांसह इतर तपास यंत्रणाही या घटनेकडे विशेष लक्ष ठेवून आहेत.

प्रजासत्ताक दिनाला दिल्लीमध्ये राजपथावर मोठ्या कार्यक्रमाचे आयोजन केलेले असते. यामध्ये भारतीय फौजांचे (नौदल, पायदल, वायुसेना) वेगवेगळे सेनाविभाग, घोडदळ, पायदळ, तोफखाना आणि इतर अद्ययावत शस्त्रे क्षेपणास्त्रे यांच्याबरोबर संचलन करतात. राष्ट्रपतींना तिन्ही सैन्यदलांकडून मानवंदना दिली जाते. या संचलनाबरोबरच भारतातील विविध संस्कृतींची झलक प्रस्तुत केली जाते. त्यामुळे दिल्लीत कोणतीही अघटीत घटना घडू नये या दृष्टीने हाय अलर्ट जाहीर करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2018 1:01 pm

Web Title: high alert in india 3 terrorist entered in delhi 26 january republic day
Next Stories
1 धक्कादायक! पुजाऱ्याच्या मुलीवर सामूहिक बलात्कार करून तिची हत्या!
2 ‘अण्वस्त्र हल्ला काय असतो ते दाखवून देऊ’ पाकिस्तानची भारताला धमकी
3 सामाजिक कार्यकर्त्या आणि लेखिका महाश्वेतादेवींना गुगलचे डुडलद्वारे अभिवादन
Just Now!
X