News Flash

पायलटने असे वाचवले ३७० प्रवाशांचे प्राण

विमान आपातकालिन स्थितीत लँड करायचे असल्यास वापरात येणारे तंत्रज्ञानही बंद पडले होते.

(संग्रहित छायाचित्र)

विमानाचे इंधन संपल्यामुळे आम्ही अतिशय वाईट पद्धतीने फसलो आहोत. एअर इंडियाच्या वरिष्ठ कमांडंटने एअर ट्रॅफीक कंट्रोलला (एटीसी) हे सांगितल्यावर सगळ्यांचेच धाबे दणाणले होते. रुस्तम पालिया यांनी एटीसीला याबाबतची माहिती दिली. न्यूयॉर्कमधील जॉन एफ केनेडी विमानतळावर याबाबतची माहिती दिली आहे. पालिया आणि कॅप्टन सुशांत सिंह हे दोघेही दिल्लीहून JFK AI 101 नॉनस्टॉप बोईंग ७७७ विमान चालवत होते. या विमानात एकूण ३७० प्रवासी होते आणि विमानातील काही उपकरणांनी काम करणे बंद केले होते. तांत्रिक खराबीमुळे विमान साधारण दीड तास हवेत फीरत होते.

या दरम्यान दोन्ही वैमानिकांनी आपले साहस आणि कंट्रोलर याच्या जीवावर ही परिस्थिती सांभाळली. विमान आपातकालिन स्थितीत लँड करायचे असल्यास वापरात येणारे तंत्रज्ञानही बंद पडले होते. त्यामुळे विमानाचे लँडींग करणे अशक्य होते. त्यामुळे हे विमान दीड तास हवेत फीरत राहीले. दरम्यान विमान विमानतळावर उतरवता येईल का याविषयी बोलणी सुरु होती. नेमके कोणत्या विमानतळावर उतरवायचे याबाबतचा निर्णय होत होता. बराच काळ विमान फिरत असल्याने त्यातील इंधनही संपत आले होते. या कालावधीत पायलट आणि कंट्रोलर यांच्यात बरीच चर्चा सुरु होती. खराब परिस्थितीतही विमान योग्य पद्धतीने लँड करता येईल यासाठी दिलासा दिला जात होता.

ठरल्यानुसार आधीच्या एका विमानानंतर या विमानाचे लँडींग होणार होते. एक चक्कर मारुन विमान खाली उतरणार तितक्यात विमानाच्या इतर उपकरणांमध्येही बिघाड झाल्याचे लक्षात आले. मग त्यांनी लगेचच कंट्रोल रुमला याबाबत माहिती दिली. मात्र तरीही योग्य ती जागा मिळत नसल्याने बराच वेळ दोघांतील संभाषण सुरु होते. मात्र दोन्ही पायलटनी अतिशय योग्य पद्धतीने निर्णय घेऊन आणि साहस दाखवून निर्णय घेतल्याने इतक्या प्रवाशांचे प्राण वाचण्यास मदत झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 18, 2018 7:28 pm

Web Title: how air india pilots saved 370 travellers life
Next Stories
1 जगातील पहिली हायड्रोजन ट्रेन आली ट्रॅकवर, ताशी वेग १४० किलोमीटर
2 SONY चे दोन शानदार टीव्ही लॉन्च, किंमत ऐकून SHOCK बसेल
3 ह्युंडईची भन्नाट ऑफर ! नाव सुचवा आणि कार जिंका
Just Now!
X