22 September 2020

News Flash

#HowdyModi : हे अशक्यच… ह्युस्टनला यायचं आणि ऊर्जेसंदर्भात चर्चा करायची नाही : मोदी

ह्युस्टनमधील तेल कंपन्यांच्या सीईओंसोबत गोलमेज बैठक

ह्युस्टनमधील हॉटेल पोस्ट ओकमध्ये झालेल्या बैठकीत मोदी आणि तेल कंपन्यांचे सीईओ.

पंतप्रधान नरेंद्र मोदी हे सध्या अमेरिकेच्या दौऱ्यावर आहेत. ह्युस्टनमधील ‘हाउडी मोदी’ कार्यक्रमासाठी पंतप्रधान मोदी शनिवारी रात्री दाखल झाले. त्यानंतर मोदी यांची ऊर्जा सिटी म्हणून प्रसिद्ध असलेल्या ह्युस्टनमधील ऊर्जा कंपन्यांच्या सीईओंशी गोलमेज बैठक (राउंड टेबल) पार पडली. या बैठकीनंतर मोदी यांनी ट्विट करून याविषयी माहिती दिली आहे. “ह्युस्टनमध्ये यायचं आणि तेल कंपन्यांशी बोलायचं नाही, हे अशक्य आहे,” असं मोदी म्हणाले आहेत.

पंतप्रधान मोदी एका आठवडा अमेरिका दौऱ्यावर आहेत. भारतीय वेळेनुसार मोदी शनिवारी रात्री साडेदहा वाजण्याच्या सुमारास ह्यूस्टनमध्ये दाखल झाले. ह्युस्टन येथे ‘टेक्सास इंडिया फोरम’कडून आज ‘हाउडी मोदी’ कार्यक्रम आयोजित करण्यात आलेला आहे. या कार्यक्रमात मोदी भारतीय नागरिकांना संबोधित करणार आहेत.

दरम्यान, तत्पूर्वी पंतप्रधान नरेंद्र मोदी यांची ह्युस्टनमधील ऊर्जा कंपन्यांच्या सीईओंसोबत गोलमेज बैठक झाली. हॉटेल पोस्ट ओकमध्ये ही बैठक झाली. या बैठकीनंतर मोदी यांनी ट्विट करून माहिती दिली आहे. “ह्युस्टनमध्ये यायचं आणि ऊर्जा कंपन्यांशी भेटायचं नाही. हे अशक्यच आहे. अग्रेसर असलेल्या ऊर्जा कंपन्यांच्या सीईओंशी खुपच छान चर्चा झाली. ऊर्जा क्षेत्रातील संधींचा उपयोग करण्याच्या पद्धतींबद्दल संवाद झाला. तसेच यावेळी टेलुुरियन आणि पेट्रोनेट एलएनजी यांच्यात सांमजस्य करार झाला,” असे मोदी म्हणाले.

या गोलमेज बैठकीपूर्वी बोलताना आयएएस मरकित कंपनीचे उपाध्यक्ष डॅनियल यार्गिन यांनी मोदींची उपस्थिती हे महत्त्वाचं असल्याचं म्हटलं आहे. “ऊर्जा क्षेत्राशी संदर्भाने भारत आणि अमेरिकेतील सहकार्य वाढवण्याच्या दृष्टीने पंतप्रधान मोदी इथे आले आणि ही मोठी घटना आहे. मोदी आले याचाच अर्थ दोन्ही देशात चांगले संबंध वृद्धिंगत करू शकतो.” डॅनियल यार्गिन यांनी म्हटले आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 22, 2019 12:00 pm

Web Title: howdymodi it is impossible to come to houston and not talk energy says modi bmh 90
Next Stories
1 Video : मोदी अमेरिकेत पोहोचले…पण, विमानातून उतरताच खाली का वाकले?
2 #HowdyModi : पंतप्रधान मोदी अमेरिकेत दाखल, ५० हजाराच्या जनसमुदायाला करणार संबोधित
3 तारखा ठरल्या!
Just Now!
X