News Flash

आत्मनिर्भर भारत: केंद्र सरकारनं लाँच केलं जगातलं सगळ्यात स्वस्त करोना टेस्ट किट

भारताचं महत्त्वाच योगदान

प्रतिकात्मक छायाचित्र

जगभरात सर्वत्र करोना व्हायरसने धुमाकूळ घातला आहे. आजही भारतात करोना चाचणीचे दर सर्वसामान्यांच्या अवाक्याबाहेर आहेत. करोना चाचणीचे हे महागडे दर लक्षात घेऊनच केंद्र सरकारने आज स्वस्तातील करोना टेस्ट किट लाँच केलं.

केंद्रीय मनुष्यबळ विकास मंत्री रमेश पोखरीयाल निशंक आणि मनुष्यबळ खात्याचे राज्यमंत्री संजय धोत्रे या दोघांनी मिळून आज सगळयात स्वस्तातील करोना टेस्ट किट लाँच केलं. दिल्ली आयआयटीने या स्वस्तातील करोना टेस्ट किटची निर्मिती केली आहे.

न्यूटेक मेडिकल कंपनी हे किट बाजारात उपलब्ध करणार आहे. ‘कोरोश्योर’ असे या किटचे नाव आहे. . “कोरोश्योर’ मुळे देशात करोना चाचण्यांच्या पद्धतीमध्ये मोठा बदल होईल. चाचण्यांची संख्या आणि किंमत यामध्ये फरक दिसेल. न्यूटेक मेडिकल कंपनी आयआयटी दिल्लीची टेक्नोलॉजी वापरणार आहे. परवडणाऱ्या दरात महिन्याला २० लाख चाचण्या करणे शक्य आहे” असे आयआयटी दिल्लीचे संचालक व्ही. रामगोपाल राव म्हणाले. या किटला आयसीएमआर आणि ड्रग कंट्रोलर जनरल ऑफ इंडियाने परवानगी दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2020 1:00 pm

Web Title: hrd minister launches worlds most affordable covid 19 test kit developed by iit delhi dmp 82
Next Stories
1 सीबीएसई दहावीचा निकाल जाहीर, पुणे विभाग टॉप ५ मध्ये
2 “सर्वांनी सचिन पायलट यांचे आभार मानायला हवेत”; मुख्यमंत्री भूपेश बघेल यांच्या निर्णयावर भाजपाची टीका
3 राजस्थान विधानसभेत आकडे कोणासाठी अनुकूल? कोणाचं पारडं जड? समजून घ्या
Just Now!
X