News Flash

हैदराबाद बॉम्बस्फोटांप्रकरणी बिहारमधून सहा संशयित ताब्यात

हैदराबादमधील दिलसुखनगर भागात गेल्या महिन्यात झालेल्या दोन शक्तिशाली बॉम्बस्फोटांप्रकरणी राष्ट्रीय तपास संस्थेच्या (एनआयए) अधिकाऱयांनी बिहारमधील मुंगेर येथून आठ जणांना चौकशीसाठी ताब्यात घेतले.

| March 14, 2013 01:40 am

हैदराबादमधील दिलसुखनगर भागात गेल्या महिन्यात झालेल्या दोन शक्तिशाली बॉम्बस्फोटांप्रकरणी राष्ट्रीय तपास संस्थेच्या (एनआयए) अधिकाऱयांनी बिहारमधील मुंगेर येथून आठ जणांना चौकशीसाठी ताब्यात घेतले. 
एनआयएच्या पथकाने ताब्यात घेतलेल्या आठ जणांपैकी दोघांची प्राथमिक चौकशी केल्यानंतर त्यांना सोडून देण्यात आले. उर्वरित सहा जणांची सध्या चौकशी सुरू आहे. एनआयएचे पथक बुधवारी संध्याकाळी मुंगेरमध्ये दाखल झाले. त्यांनी सुरुवातीला चौरामा गावात छापे टाकून आठ संशयित व्यक्तींना ताब्यात घेतले. या संशयितांबद्दल एनआयएच्या पथकाकडे आधीपासून माहिती होती.
मुंगेर येथे बनावट कागदपत्रांच्या आधारे खरेदी करण्यात आलेल्या सिमकार्डच्या साह्याने हैदराबाद बॉम्बस्फोटाचा कट रचणाऱयांशी संपर्क ठेवण्यात आल्याची माहिती तपासात पुढे आली. त्यानंतर काही मोबाईलच्या कॉल लॉगचा तपास करण्यात आला. त्यातून मिळालेल्या माहितीच्या आधारे एनआयएच्या पथकाने सहा जणांना चौकशीसाठी ताब्यात घेतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 14, 2013 1:40 am

Web Title: hyderabad blasts nia picks up six persons in munger
Next Stories
1 खासदारांनी भाजपला आव्हान देण्यापेक्षा पाकिस्तानला द्यावं : सुषमा स्वराज
2 काश्मिरमध्ये पुन्हा दहशतवादी हल्ला; सीआरपीएफचे ५ जवान शहीद
3 हेलिकॉप्टर खरेदी लाचखोरीप्रकरणी माजी हवाई दलप्रमुख त्यागींविरुद्ध एफआयआर
Just Now!
X