News Flash

हैदराबाद महानगरपालिका निवडणुकांमध्ये भाजपाची मुसंडी; एमआयएम तिसऱ्या क्रमांकावर

२०१६ मध्ये भाजपा युतीला मिळाल्या होत्या ६ जागा

हैदराबादची महापालिका निवडणूक ही भाजपानं राष्ट्रीय निवडणूक बनवलेली होती. तेजस्वी सूर्या, स्मृती इराणी या आक्रमक नेत्यांचा तसंच प्रकाश जावडेकर, देवेंद्र फडणवीस यांनीदेखील हैदराबादचा दौरा केला होता. त्यानंतर योगी आदित्यनाथ, जे. पी. नड्डांचा, अमित शाह यांनीदेखील हैदराबादमध्ये प्रचार केला होता. भाजपाने एकापाठोपाठ एक नेत्यांची रांग पालिका प्रचारासाठी उभी करत ही निवडणूक अतिशय प्रतिष्ठेची बनवली होती. दरम्यान, या निवडणुकांच्या निकालाचे कल हाती येत असून प्रथमदर्शनी भाजपानं ओवेसींच्या गडाला सुरूंग लावत मुसंडी मारल्याचं दिसत आहे.

सध्या हैदराबाद महानगरपालिकेच्या १३० जागांसाठी मतमोजणी सुरू आहे. यामध्ये भाजपा सध्या ८५ जागांवर आघाडीवर आहेत. तस सत्तेत असलेली टीआरएस २९ जागांवर आणि ओवेसी यांचा एमआयम १७ जागांवर आघाडीवर असून तिसऱ्या क्रमांकावर आहे. भाजपानं ही निवडणूक प्रतिष्ठेची केली होती. तसंच अनेक दिग्गजांनी या ठिकाणी दौराही केला होता.

यापूर्वी २०१६ मध्ये पार पडलेल्या निवडणुकांमध्ये भाजपा युतीला केवळ ५ जागांवर विजय मिळाला होता. यापूर्वी सर्वच पक्षांनी या निवडणुकीत स्वत:ला झोकून दिल्याचं दिसलं होतं. दरम्यान, हाती आलेल्या कलांनंतर भाजपा नेते किरीट सोमय्या यांनी ट्वीट करत हैदराबादमध्ये आपला विजय आहे, पुढची वेळ मुंबई महानगपालिकेची आहे, असं म्हटलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 4, 2020 12:25 pm

Web Title: hyderabad ghmc election results 2020 live updates bjp mim asaduddin owaisi amit shah pm narendra modi jud 87
Next Stories
1 “थोडीही लाज वाटत असेल तर माफी माग”, दिलजीत दोसांजनंतर मिका सिंग कंगनावर संतापला
2 गुन्हा सिद्ध झालेल्या लोकप्रितिनिधींवर आजीवन बंदी घालण्यास केंद्र सरकारचा विरोध; SC मध्ये दाखल केलं प्रतिज्ञापत्र
3 पंतप्रधान मोदींनी ‘हे’ स्पष्ट करावं हीच अपेक्षा- राहुल गांधी
Just Now!
X