29 November 2020

News Flash

मी वर्णद्वेषी नाही- डोनाल्ड ट्रम्प

कथित वादावर ट्रम्प यांचे उत्तर

अमेरिकेचे राष्ट्राध्यक्ष डोनाल्ड ट्रम्प (संग्रहित छायाचित्र)

अमेरिकेचे राष्ट्राध्यक्ष डोनाल्ड ट्रम्प यांनी काही देशांतील प्रवाशांविरोधात केलेल्या कथित वादग्रस्त वक्तव्याविरोधात स्पष्टीकरण दिले आहे. मी वर्णद्वेषी नाही असे म्हणत त्यांनी आपली भूमिका स्पष्ट करत या वादावर पडदा टाकण्याचा प्रयत्न केला आहे. अमेरिकेत गेल्या आठवड्यात द्वीपक्षीय समूहाच्या सदस्यांसोबत एक बैठक पार पडली.

या बैठकीत सहभागी झालेले काही हीन दर्जाचे देश त्यांच्या देशातील नागरिकांना अमेरिकेत येऊ देण्यासाठी दबाव टाकत आहेत असे ट्रम्प यांनी म्हटल्याचा कथित आरोप त्यांच्यावर आहे. मात्र माझ्यावर अकारण हे आरोप केले जात असल्याचे ट्रम्प यांनी म्हटले आहे. तसेच मी वर्णद्वेषी नाही असे म्हणत हा वाद संपवण्याचा प्रयत्न केला आहे.

फ्लोरिडा या ठिकाणी नेते केवि मॅक्कार्थींसोबत डोनाल्ड ट्रम्प यांनी रात्री जेवणाला जायचे ठरवले होते. त्याआधीच पत्रकारांशी बोलताना मी वर्णद्वेषी नाही, आजवर तुम्ही ज्या ज्या लोकांना वर्णद्वेषी समजत होतात त्यांच्या दोषी लोकांच्या यादीत माझे नाव समाविष्ट करू नका असेही त्यांनी म्हटले आहे. ट्रम्प यांच्या राजकीय विरोधकांनी ते वर्णद्वेषी आहेत असा आरोप केला होता. तसेच त्यांच्या कथित वक्तव्यावरून वादही निर्माण केला होता. याच सगळ्या आरोपांना ट्रम्प यांनी थेट उत्तर दिले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2018 3:33 pm

Web Title: i am not a racist says us president donald trump
टॅग Donald Trump
Next Stories
1 नरेंद्र मोदी हे क्रांतिकारी नेता: नेतान्याहू
2 अरेरे! इंदौरएवजी पोहोचला नागपूरला; ‘इंडिगो’मुळे प्रवाशाला मनस्ताप
3 न्यायपालिकेतील ‘सर्वोच्च’ वादावर पडदा; बार कौन्सिलचा दावा
Just Now!
X