06 March 2021

News Flash

रमझानच्या काळातही मशिदीत जाऊ नका, लॉकडाउनचे नियम पाळा-ब्रद्रुद्दीन अजमल

ऑल इंडिया युनायटेड डेमोक्रेटिक फ्रंटचे प्रमुख ब्रद्रुद्दीन अजमल यांचं आवाहन

रमझानचा महिना येत्या आठ ते दहा दिवसात सुरु होतो आहे. या काळातही लॉकडाउनचे नियम पाळायचे आहेत. कुणीही घराबाहेर पडू नये. प्रत्येकाने घरात थांबूनच नमाझ पढायला हवी असं आवाहन ऑल इंडिया युनायटेड डेमोक्रेटिक फ्रंटचे प्रमुख ब्रद्रुद्दीन अजमल यांनी केलं आहे. देशावर करोनाचं संकट आहे. त्यामुळे याआधीही तुम्ही घरात थांबलात मशिदीत गेला नाहीत ही चांगली गोष्ट आहे. तसंच आपल्या सगळ्यांच्या सुरक्षेसाठीच लॉकडाउन आहे. रमझानच्या काळातही लॉकडाउनच्या नियमांचं पालन करा असंही त्यांनी म्हटलं आहे.

AIUDF चे प्रमुख बद्रुद्दीन अजमल यांनी काय म्हटलं आहे?
“रमझानचा महिना काही दिवसात सुरु होईल. अशा प्रसंगी मी माझ्या मुस्लिम बांधवांना आणि भगिनींकडे ही विनंती करतो की ज्याप्रकारे तुम्ही लॉकडाउनचे नियम पाळले आहेत तसेच आता रमझानच्या महिन्यातही ते नियम पाळा. महिन्याभरापासून तुम्ही मशिदीत जाणं बंद केलं. ही चांगलीच बाब झाली कारण मशिदीत गर्दी झाली असती तर करोनाचा संसर्ग वाढला असता. मात्र तसं घडलं नाही कारण तुम्ही घरात थांबलात. जुम्मा नमाजही तुम्ही मशिदीत पढली नाही. शब-ए-बारातची रात्र आली तेव्हाही तुम्ही घरातूनच नमाज पढलीत. आता असाच संयम आणखी बाळगायचा आहे. कारण करोनाचं संकट संपलेलं नाही. त्यामुळे लॉकडाउनचे नियम पाळा आणि घरातूनच नमाज पढा.. तुमची नमाज अल्लाह नक्की ऐकेल आणि लवकरात लवकर देश या संकटातून मुक्त होईल”

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 16, 2020 9:57 pm

Web Title: i appeal to my muslim brothers and sisters to offer prayers at their homes during the month of ramzan and follow lockdown rules of the government of india says badruddin ajmal chief of aiudf scj
टॅग : Coronavirus
Next Stories
1 Coronavirus : अमेरिकेसह ५५ देशांना भारत करणार ‘हायड्रोक्सीक्लोरोक्वीन’चा पुरवठा
2 देशात करोनाच्या रुग्णांची संख्या १३ हजारांजवळ, आत्तापर्यंत ४२० रुग्णांचा मृत्यू
3 Coronavirus : काय होणार यावर्षी अप्रेजलवर परिणाम? काय आहे कंपन्यांपुढील मोठं संकट?
Just Now!
X