26 September 2020

News Flash

दाऊदच्या धमक्यांना भीक घालत नाही- छोटा राजन

इंडोनेशियाच्या पोलिसांनी छोटा राजनला विशेष कमांडो संरक्षण दिले आहे.

कुख्यात डॉन दाऊद इब्राहीम याच्यासह अन्य प्रतिस्पर्धी टोळ्यांकडून येणाऱ्या धमक्यांना भीक घालत नसल्याचे कुख्यात गुंड छोटा राजन याने म्हटले आहे. इंडोनेशियाच्या पोलिसांनी छोटा राजनला विशेष कमांडो संरक्षण दिले आहे.
दाऊदसह अन्य टोळ्यांकडून येणाऱ्या धमक्यांबाबत वार्ताहरांनी विचारले असता, अशा धमक्यांना भीक घालत नसल्याचे छोटा राजन याने सांगितले. रविवारी छोटा राजन याला इंडोनेशियातील बाली येथे अटक करण्यात आली होती.
छोटा राजनच्या जिवाला धोका असल्याची आम्हाला जाणीव आहे. त्यामुळे त्याला विशेष कमांडोंची सुरक्षा पुरविण्यात आली आहे, असे बालीचे पोलीस प्रवक्ते हैरी वियाण्टो यांनी सांगितले. राजनच्या सुरक्षेशी कोणतीही तडजोड केली जाणार नाही, अशा सर्व उपाययोजना आखण्यात आल्या आहेत, तो परदेशी असल्याने त्याच्या सुरक्षेत वाढ करण्यात आली आहे, असेही ते म्हणाले. राजनची वर्तणूक चांगली आहे, तो तणावाखाली असला तरी तसे निदर्शनास आणत नाही. झिम्बाब्वेला जायचे असल्याने मला सोडण्यात यावे, अशी विनंती त्याने सातत्याने चौकशी अधिकाऱ्यांकडे केली, असे बालीचे पोलीस आयुक्त रेनहार्ड नैनगोलन यांनी सांगितले. छोटा राजनची प्रकृती ठणठणीत आहे, असे पोलीस आयुक्तांनी सांगितले. राजनला भारतात कधी पाठविणार असे विचारले असता वियाण्टो म्हणाले की, भारतीय अधिकाऱ्यांची बाली पोलीस प्रतीक्षा करीत आहेत, ते प्रथम राजन याची चौकशी करणार आहेत. भारतीय अधिकारी येथे आल्यानंतर त्याला भारतात पाठविण्याची प्रक्रिया समन्वयाने ठरविण्यात येईल, असेही वियाण्टो म्हणाले. इंटरपोलच्या देखरेखीखाली राजनला अटक करण्यात आली, असे पोलीस आयुक्त म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 29, 2015 5:44 am

Web Title: i dont have fear about dawood chota rajan
टॅग Chota Rajan
Next Stories
1 इंटरनेट समानतेचे समर्थनच- झकरबर्ग
2 खोटी तक्रार देणाऱ्या हिंदू सेना प्रमुखास अटक
3 कलबुर्गी मारेकऱ्याची हत्या?
Just Now!
X