News Flash

VIDEO: व्हायब्रंट गुजरात कार्यक्रमावेळी अपघात, वायूदलाचा जवान जखमी

अचानक जोरात आलेल्या हवेच्या एका झोताने तिघांचेही संतुलन बिघडले.

सध्या गुजरातमध्ये सुरू असलेल्या व्हायब्रंट गुजरात ग्लोबल समिट (व्हीजीजीएस) कार्यक्रमादरम्यान एक अपघात झाला.

गुजरातमध्ये सुरू असलेल्या व्हायब्रंट गुजरात ग्लोबल समिट (व्हीजीजीएस) कार्यक्रमादरम्यान एक अपघात झाला. यात वायू दलाचा एका स्काय ड्रायव्हर जखमी झाला असून या अपघाताचा व्हिडिओही समोर आला आहे. तीन स्काय ड्रायव्हरनी आकाशात आपल्या पॅराशूटच्या साहाय्याने तिरंगा तयार केला होता. हवेत असताना तिघांनी आपले संतुलन व्यवस्थित ठेवले होते. परंतु अचानक जोरात आलेल्या हवेच्या एका झोताने तिघांचेही संतुलन बिघडले. त्यावेळी केशरी आणि पांढऱ्या रंगाचा पॅराशूट असलेले स्काय ड्रायव्हर बाजूला झाले. परंतु हिरव्या रंगाचा पॅराशूट असलेल्या स्काय ड्रायव्हरचे संतूलन बिघडले आणि तो ड्रायव्हर थेट वेगाने जमिनीवर जाऊन पडला.

टाइम्स ऑफ इंडियाने दिलेल्या वृत्तानुसार, जखमी झालेला जवान हा आकाश गंगा टीमचा आहे. तो ३० फूट उंचीवरून खाली पडला. हवेची दिशा अचानक बदलल्यामुळे हा अपघात झाल्याचे सांगण्यात येते.
जवानाच्या पायाला दुखापत झाल्याचे संरक्षण खात्याचे जनसंपर्क अधिकारी आणि विंग कमांडर अभिषेक मतामेन यांनी सांगितल्याचे वृत्तात म्हटले आहे.  परंतु हा मोठा अपघात नव्हता असेही ते म्हणाले. जवानाची स्थिती गंभीर नसल्याचेही ते म्हटले. जवान जमिनीवर पडताच त्याला लगेचच उपचारासाठी रूग्णालयात नेण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 10, 2017 3:38 pm

Web Title: iaf jawan injured at air show in gujarat vibrant global summit
Next Stories
1 देशातील ४१,००० पेट्रोल पंपांवर पेटीएमद्वारे व्यवहाराची सुविधा
2 नोटाबंदीनंतर सहकारी बँकांनी काळा पैसा पांढरा केला-आयकर विभाग
3 मुलायम-अखिलेश यांच्यातील यादवी संपुष्टात? पिता-पुत्रांमध्ये भेट
Just Now!
X