२०१५ साली UPSC परीक्षेत देशातून अव्वल आलेल्या टिना डाबी आणि त्याच वर्षात दुसरा क्रमांक पटकावलेला तिचा पती अथर खान विभक्त होणार आहे. दोघांनीही परस्परांच्या संमतीने जोधपूर कुटुंब न्यायालयात घटस्फोटासाठी अर्ज दाखल केला आहे. २०१८ साली टिना डाबी आणि अथर खान विवाहबंधनात अडकले होते.

राजस्थान कॅडरच्या आयएस अधिकारी असलेल्या टिना आणि अथर खान हे आपल्या ट्रेनिंगदरम्यान एकत्र आले. दोघांच्याही मैत्रीचं रुपांत प्रेमात झालं आणि त्यांनी विवाह करण्याचा निर्णय घेतला. टिना आणि अथर यांचं लग्न हे काही वर्षांपूर्वी चर्चेचा विषय ठरलं होतं. लग्नानंतर काही दिवसांमध्येच टिनाने आपल्या सोशल मीडिया प्रोफाईलवरुन खान हे आडनाव काढून टाकलं आणि चर्चांना उधाण आलं.

Baramati Namo Maharojgar Melava
निमंत्रण पत्रिकेतील आणखी एक घोळ सुधारण्यासाठी प्रशासनाची धावाधाव
tax fraud case
१७५ कोटींचे कर फसणूक प्रकरण : विक्रीकर अधिकारी व १६ जणांवर गुन्हा दाखल, एसीबीची कारवाई
death certificate in Medical in Nagpur
नागपुरातील मेडिकलमध्ये मृत्यू प्रमाणपत्रासाठी ५८ दिवसांची फरफट.. अधिकारी, कर्मचाऱ्यांचा असा गोंधळ..
Abdu Rozik
तस्कर अली असगर शिराजी प्रकरण: अब्दू रोझिक ईडी कार्यालयात दाखल

अथरनेही काही दिवसांनी टिनाला इन्स्टाग्रामवर अनफॉलो केल्यानंतर चर्चांचं अधिकच पेव फुटलं होतं. टिना आणि अथर यांचं लग्न भारतात राजकीय मुद्दाही बनला होता. हिंदु महासभेने टिना आणि अथर यांचा विवाह लव जिहाद ठरवत टीका केली होती. यानंतर दोघांमध्ये पटत नसल्याच्या बातम्या समोर आल्या होत्या. अखेरीस दोघांनीही घटस्फोटासाठी अर्ज दाखल करत आपलं नातं संपवण्याचा निर्णय घेतला आहे.