News Flash

‘भारत सोडणं मोठी चूक, २४ तासांत परतणार’, IMA घोटाळ्यातील आरोपी मन्सूर खानचा दावा

मन्सूऱ खानने २३ हजारांहून जास्त लोकांची फसवणूक करुन भारतातून पळ काढला आहे

जवळपास २३ हजारांहून जास्त लोकांची फसवणूक करुन भारतातून पळ काढणारा मुख्य आरोपी मोहम्मद मन्सूर खान याने भारत सोडणं आपली मोठी चूक होती आणि आपण २४ तासांत भारतात परतणार आहोत असा दावा केला आहे. आय मॉनेटरी अ‍ॅडव्हायजरी’ (आयएमए) समूहाचा संस्थापक असणारा इस्लामिक बँकर मन्सूर खान याने ८ जूनच्या रात्री भारतातून पळ काढला होता. त्याने लोकांना कोट्यवधीचा गंडा घातला होता.

मन्सून खान याचा एक व्हिडीओ समोर आला असून त्यात तो सांगत आहे की, “पुढील २४ तासांत मी भारतात परतणार आहे. माझा भारतीय न्यायव्यवस्थेवर पुर्ण विश्वास आहे. भारत सोडणं ही माझी सर्वात मोठी चूक होती. पण परिस्थिती अशी होती की मला भारत सोडणं भाग होतं. माझं कुटुंब कुठे आहे हेदेखील मला माहिती नाही”.

मन्सूर खान याने अनेकांना मोठे रिटर्न्स मिळवून देण्याचे प्रलोभन दाखवत गंडा घातला आहे. त्याने सरकारी अधिकाऱ्यांनी आपल्याला धमकी दिल्याचा आरोप करत आत्महत्या करण्याची धमकीही दिली होती. मन्सूर खान याने मुस्लिम समुदायातील लोकांना लक्ष्य करत तब्बल १ हजार ५०० कोटी रूपये जमवले होते. विरोधात तक्रार दाखल झाल्यानंतर त्याने पळ ठोकला होता. बंगळुरू शहर पोलिसांनी त्याच्याविरोधात लुक आऊट नोटीस जारी केली होती. पण त्याआधीच त्याने भारत सोडून पळ काढला होता.

कोट्यवधींचा गंडा घालून ‘इस्लामिक बँकर’ फरार

मन्सूर खानची आपण आत्महत्या करण्याच्या मनस्थितीत असल्याची ऑडिओ क्लिप व्हायरल झाल्यानंतर हजारो गुंतवणूकदार तक्रार देण्यासाठी पोलीस स्टेशनच्या बाहेर जमले होते. यानंतर खऱ्या अर्थाने हा घोटाळा समोर आला होता. पोलिसांनी मन्सूर खान दुबईला पळून गेल्याची माहिती दिली होती. दरम्यान आयएमएच्या सातपैकी निजामुद्दीन अजीमुद्दीन या संचालकास पोलिसांनी आधीच अटक केलेली आहे.

मन्सूर विरोधात सध्या २३ हजार तक्रारी दाखल असून पहिली तक्रार त्याचा जवळचा मित्र आणि व्यवसायातील भागीदार खालिद अहमद याने दाखल केली होती. त्याने मन्सूरवर 4.8 कोटी रूपयांच्या फसवणुकीचा आरोप केला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2019 5:56 pm

Web Title: ima ponzi scam case main accused mansoor khan claims returning india sgy 87
Next Stories
1 हाफिज सईदला अटकेपूर्वीच मिळाला जामीन
2 …आणि संसदेत असदुद्दीन ओवेसींवर भडकले अमित शाह
3 सलाम ! तरुणीला वाचवण्यासाठी CRPF जवानांनी नदीत घेतली उडी
Just Now!
X