News Flash

झारखंडमध्ये पोलीस पथकावर नक्षली हल्ला, पाच जवान शहीद

हल्ला केल्यानंतर शहीद झालेल्या जवानांची हत्यार घेऊन नक्षलवाद्यांचे पलायन

संग्रहित छायाचित्र

झारखंडच्या सरायकेला येथे नक्षलवाद्यांनी केलेल्या हल्ल्यात पाच पोलीस कर्मचा-यांचा मृत्यू झाला आहे. पोलीस पथक या भागात शोध मोहीम राबवून परतत असताना या पथकावर नक्षलवाद्यांनी हल्ला केला. नक्षलवाद्यांनी हल्ला केल्यानंतर शहीद झालेल्या जवानांची हत्यार घेऊन घटनास्थळावरून पलायन केले.

या हल्ल्यात एकुण पाच पोलीस कर्मचारी शहीद झाले. ज्यामध्ये दोन एएसआय आणि तीन शिपायांचा समावेश आहे.
मिळालेल्या माहितीनुसार ही घटना शुक्रवारी सायंकाळी सरायकेला जिल्ह्यातील तिरूलडीह पोलीस ठाणे ह्द्दीत घडली. नक्षलवाद्यांनी पोलिसांच्या वाहनावर बेछुट गोळीबार केला. पोलीस पथक शोध मोहीमेवरून परतत असताना, आधीपासूनच सापळा रचून व दबा धरून बसलेल्या नक्षलवाद्यांनी जवान सावध नसताना हा हल्ला केला. पोलिसांकडून करण्यात आलेल्या गोळीबारात काही नक्षलवादी देखील जखमी झाल्याचे सांगितले जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2019 8:18 pm

Web Title: in the naxal attack five policemen shot dead in jharkhand msr 87
Next Stories
1 महिलांच्या मोफत मेट्रो प्रवासाला श्रीधरन यांचा विरोध, पंतप्रधान मोदींना लिहिलं पत्र
2 फूड डिलिव्हरी बॉयसाठी दरवाजा उघडणाऱ्या प्रॉपर्टी डिलरची गोळ्या झाडून हत्या
3 टीव्ही मालिकांच्या सुरुवातीला आणि शेवटी स्थानिक भाषा वापरा, केंद्र सरकारची सक्ती
Just Now!
X