News Flash

चीनमधील दुग्धजन्य पदार्थाच्या आयातीवरील बंदीत वाढ

चीनमधून दूध अथवा दुग्धजन्य पदार्थ आयात करण्यावर आणखी एका वर्षांसाठी बंदी कायम ठेवण्याची शिफारस विविध मंत्रालयांच्या एका पॅनलने केली आहे. सुरक्षेच्या कोणत्या उपाययोजना आखण्यात आल्या

| June 19, 2013 01:04 am

चीनमधून दूध अथवा दुग्धजन्य पदार्थ आयात करण्यावर आणखी एका वर्षांसाठी बंदी कायम ठेवण्याची शिफारस विविध मंत्रालयांच्या एका पॅनलने केली आहे. सुरक्षेच्या कोणत्या उपाययोजना आखण्यात आल्या आहेत त्याची कोणतीही माहिती चीनने अद्यापही न दिल्याने बंदी शिफारस करण्यात आली आहे.
प्लास्टिक आणि खते बनविण्यासाठी वापरण्यात येणाऱ्या मेलामाइनचा अंश आढळल्याने भारताने चीनमधून आयात करण्यात येणारे दूध आणि दुग्धजन्य पदार्थ यावर सप्टेंबर २००८ मध्ये बंदी घातली होती. दर वर्षी बंदीची मुदत वाढविण्यात येत होती. या वर्षीची मुदत २३ जून रोजी संपुष्टात येणार होती.
तथापि, या स्थितीमध्ये लक्षणीय सुधारणा झाली असल्याचा अहवाल प्राप्त होईपर्यंत आणखी एका वर्षांसाठी बंदी कायम ठेवावी, अशी सूचना भारतीय अन्न सुरक्षा आणि दर्जा प्राधिकरणाने विविध मंत्रालयांच्या प्रतिनिधींच्या बैठकीनंतर केली.
चीनमधून आयात होणारी चॉकलेट, चॉकलेट उत्पादने, दूध आणि दुधाची भुकटी आदींवरील बंदीचा आढावा घेण्यासाठी बैठक आयोजित करण्यात आली होती. तथापि, मेलामाइन घटक आढळल्याच्या पाश्र्वभूमीवर स्थितीत सुधारणा झाली असल्याबाबतचा कोणताही अहवाल चीनकडून प्राप्त झालेला नाही. त्यामुळे बंदी वाढविण्याची शिफारस करण्यात आली आहे.
आशिया आणि आफ्रिकेतील जवळपास १२ हून अधिक देशांनी चीनकडून दूध आणि दुग्धजन्य पदार्थाच्या आयातीवर बंदी घातली आहे. मेलामाइन हे रसायन आढळल्याने ही बंदी घालण्यात आली आहे. मेलामाइन या रासायनिक पदार्थामुळे मूतखडा अथवा एखादा अवयव निकामी होण्याचा धोका असतो. भारत चीनकडून दुग्धजन्य उत्पादनांची आयात करीत नाही. खबरदारीच्या उपाययोजना म्हणून ही बंदी घालण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2013 1:04 am

Web Title: india extends ban on import of chinese milk milk products
टॅग : Milk
Next Stories
1 भाजपकडून त्यांच्याच नेत्यांची नाकेबंदी-नितीशकुमार
2 आणखी वीस वर्षे तरी ब्राह्मोस अभेद्य – पिल्ले
3 वकिलांनी आपली प्रतिमा अधिक उजळ करावी!
Just Now!
X