06 December 2020

News Flash

Coronavirus : २४ तासांत ८३७ मृत्यू; ६२,२१२ नवीन बाधितांची भर

६५ लाखांपेक्षा जास्त रुग्णांची करोनावर मात

जगभरात करोना विषाणूचा प्रादुर्भाव अद्यापही वाढतच आहे. असं असलं तरी गेल्या काही दिवसांच्या तुलनेत भारतात मात्र करोनाबाधित रुग्णांच्या संख्येत घट झाल्याचं दिसून येत आहे. गेल्या २४ तासांत देशात ६२ हजार २१२ नव्या करोनाबाधित रुग्णांची नोंद झाली आहे. तर ८३७ करोनाबाधित रुग्णांचा मृत्यू झाला आहे.

आरोग्य मंत्रालयानं दिलेल्या माहितीनुसार, देशातील एकूण करोनाबाधित रुग्णांची संख्या ७४ लाख ३२ हजार ६८१ इतकी झाली आहे. दिलासादायक बाब म्हणजे उपचार घेणाऱ्या रुग्णांपेक्षा बरे झालेल्यांची संख्या अधिक आहे. देशात आतापर्यंत ६५ लाख २४ हजार ५९६ जणांनी करोनावर मात केली आहे. तर सात लाख ९५ हजार ८७ करोनाबाधितांवर उपचार सुरु आहेत. देशात करोनामुळे मृत्यू झालेल्या रुग्णांची संख्या एक लाख १२ हजार ९९८ इतकी झाली आहे.

करोनाच्या संसर्गाला अटकाव करण्यासाठी जगभरात प्रयत्न सुरू आहेत. करोना प्रतिबंध करणारी लस (Coronavirus Vaccine) शोधण्यासाठी वैज्ञानिक आणि संशोधक दिवस-रात्र प्रयत्न करत आहेत. काही लशींची चाचणी अंतिम टप्प्यात आली आहे. या वर्षाखेर अथवा पुढील वर्षात पहिल्या तीन महिन्यात लस भारतात उपलब्ध होण्याची दाट शक्यता सिरम इन्स्टिट्यूटनं व्यक्त केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 17, 2020 10:51 am

Web Title: india reports a spike of 62 212 new covid19 cases and 837 deaths in the last 24 hours nck 90
टॅग Coronavirus
Next Stories
1 काश्मीरमध्ये चकमकीत एक दहशतवादी ठार; AK-47 जप्त
2 जागतिक कुपोषण निर्देशांकात भारत ९४ व्या स्थानी, गंभीर श्रेणीत समावेश
3 ‘या’ महिन्यात भारतामध्ये येणार करोना लस; सिरम इन्स्टिट्यूटची महत्वाची माहिती
Just Now!
X