News Flash

चीन आणि पाकिस्तानकडून येणाऱ्या धमक्यांसाठी भारताने सैन्य संघटित केले पाहिजे: बिपीन रावत

"भारतीय सैन्य दलांमध्ये परिवर्तनात्मक बदलांची आवश्यकता"

संग्रहित छायाचित्र

चीन आणि पाकिस्तानच्या धोक्यांमुळे उद्भवलेल्या आव्हानांचा सामना करण्यासाठी भारतीय सैन्य दलांना परिवर्तनात्मक बदलांची आवश्यकता आहे, असे चीफ ऑफ डिफेन्स स्टाफ (सीडीएस) बिपीन रावत यांनी गुरुवारी सांगितले.

“ज्या धमक्यांसाठी सैन्य संघटित केले गेले पाहिजे त्या चीन आणि पाकिस्तानकडून येत आहेत. भविष्यात चीन, भारत आणि हिंदी महासागराच्या सभोवतालच्या देशांमध्ये वर्चस्व प्रस्थापित करण्याचा प्रयत्न करीत राहील…. आम्ही आमच्या उत्तरेकडील सीमेवर असणाऱ्या शेजाऱ्यासमोर उभे धीटाने उभे राहिलो आणि त्यांच्या वाईट योजना विफल केल्या. आता बाकी कोणत्याही गोष्टी पेक्षा आपल्या अस्तित्वासाठी लष्करी परिवर्तन महत्वाचे आहे. महाविद्यालयीन संरक्षण संस्था (सीडीएम) आयोजित “ट्रान्सफॉर्मेशनः इम्पेरेटिव्ह्ज फॉर इंडियन आर्म्ड फोर्सेस” या विषयावर राष्ट्रीय वेबिनार दरम्यान मुख्य भाषण करताना रावत बोलत होते.

“भारतात एक आव्हानात्मक आणि गुंतागुंतीचे सुरक्षा वातावरण आहे. आम्हाला काही महत्त्वपूर्ण पावले उचलण्याची गरज आहे ज्यात राष्ट्रीय सुरक्षा रणनीती आणि उच्च संरक्षण धोरणात्मक मार्गदर्शन, संरचनात्मक सुधारणा, सैन्य आणि नागरी प्रशासकीय संरचनांचे सहकार्य, सैन्य दलांमध्ये संयुक्त ऑपरेशन एकत्रित करणे आणि भारताची क्षमता बळकट करणे समाविष्ट आहे. थिएटर कमांडसारख्या संयुक्त रचनेचे संचालन करण्यास आम्हाला उशीर परवडणार नाही, असे रावत म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 5, 2021 11:30 am

Web Title: india should ready for threats from china pakistan sbi 84
Next Stories
1 आपण देशातील लोकांना लस देण्याऐवजी लसीचे डोस इतर देशांना दान करतोय : उच्च न्यायालय
2 ‘फ्रीडम हाऊस’ अहवाल भारतविरोधी कटाचाच भाग; भाजपा नेत्याचा दावा
3 रेल्वे प्रवाशांसाठी गुड न्यूज! याच महिन्यात सुरू होतेय बहुप्रतिक्षित सेवा, प्रवासात अजिबात नाही येणार कंटाळा
Just Now!
X