News Flash

करोना संकटात देशाच्या मदतीसाठी भारतीय हवाई दलाचं उड्डाण

वैद्यकीय कर्मचाऱ्यांसहित ऑक्सिजन सिलेंडर्स, औषधं एअरलिफ्ट

संग्रहित (PTI)

करोनाच्या दुसऱ्या लाटेमुळे देशात सध्या चिंताजनक परिस्थिती असून अनेक राज्यांमध्ये ऑक्सिजनचा तुटवडा निर्माण झाला आहे. राज्यांकडून केंद्राकडे ऑक्सिजनचा पुरवठा करण्याची वारंवार मागणी केली जात आहे. संकटाच्या या काळात भारतीय हवाई दलाने केंद्राच्या मदतीला धाव घेतली आहे. भारतीय हवाई दलाकडून ऑक्सिजन कंटेनर्स, सिलेंडर्स, महत्वाची औषधं, साहित्य आणि करोनाशी लढण्यासाठी सरकारला मदत करणाऱ्या वैद्यकीय कर्मचाऱ्यांना एअरलिफ्ट केलं जात आहे.

हवाई दलाच्या अधिकाऱ्याने दिलेल्या माहितीनुसार, दिल्लीमध्ये संरक्षण संशोधन आणि विकास संस्थेचं (डीआरडीओ) रुग्णालय उभं करण्यासाठी आम्ही कोची, मुंबई, विशाखापट्टणम आणि बंगळुरुतून डॉक्टर आणि परिचारिकांना एफरलिफ्ट केलं. तसंच दिल्लीमधील करोना केंद्रांसाठी बंगळुरु येथून डीआरडीओचे ऑक्स्जिन कंटेनर्स एअरलिफ्ट करण्यात आले.

भारतीय हवाई दलाने ट्विट करत म्हटलं आहे की, “करोनाविरोधातील लढाईत वेगाने वाहतूक करत भारतीय हवाई दल मदत करत करत आहे. वैद्यकीय कर्मचारी, महत्वाची सामुग्री आणि औषधं देशभरातील करोना रुग्णालयं आणि सुविधांमध्ये पोहोचवण्याचं काम सुरु आहे”.

दरम्यान देशाचे संरक्षण मंत्री राजनाथ सिंग यांनी मंगळवारी व्हिडीओ कॉन्फरन्सच्या माध्यमातून अधिकाऱ्यांशी चर्चा केली. यावेळी त्यांनी देशभरात राज्य सरकारांना मदतीसाठी रोड मॅप आखण्यास सांगितलं. संरक्षण दलाचे प्रमुख बिपीन रावतदेखली यावेळी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 22, 2021 10:56 am

Web Title: indian air force airlifted oxygen equipment medical personnel to delhi sgy 87
Next Stories
1 आरोग्य सेवा तुटवडा : “मोदींच्या मनात तसं काही नसेल ही पण मग हे…”; राऊतांनी उपस्थित केली शंका
2 Corona: भारतात तीन लाखांहून अधिक रुग्ण; जगातील सर्वाधिक दैनंदिन रुग्णसंख्येची नोंद
3 ऑक्सिजन पुरवठ्यासाठी पुढाकार घेणाऱ्या टाटांचं न्यायालयाकडून कौतुक; मोदी सरकारच्या नियोजनावर मात्र ताशेरे
Just Now!
X