28 September 2020

News Flash

तिथल्या तिथे लगेच उत्तर द्या, मोदी सरकारने भारतीय सैन्याला दिले विशेषाधिकार

चीनला प्रत्युत्तर देण्यासाठी मोदी सरकारचे सैन्याला सर्वाधिकार

संग्रहित (Photo: PTI)

पूर्व लडाखमधील गलवाण खोऱ्यात झालेल्या चकमकीनंतर वास्तविक नियंत्रण रेषेवर चिनी सैन्यांचा सामना करण्यासाठी केंद्र सरकारकडून भारतीय लष्कराला विशेषाधिकार देण्यात आले आहेत. चिनी सैन्यांसोबत झालेल्या चकमकीत २० भारतीय जवान शहीद झाल्यानंतर केंद्र सरकारकडून हा निर्णय घेण्यात आला आहे. भारतीय लष्कराला चीनने आगळीक केल्यास उत्तर देण्याचं पूर्ण स्वातंत्र्य देण्यात आलं आहे. इंडिया टीव्हीने यासंबंधी वृत्त दिलं आहे

गलवाण खोऱ्यात ज्या ठिकाणी चकमक झाली आहे तिथे योग्य वाटेल ती कारवाई करा सांगत भारतीय लष्कराला केंद्र सरकारकडून मोकळे हात देण्यात आले आहे. दरम्यान तणाव कमी करण्यासाठी दोन्ही देशांकडून प्रयत्न सुरु असून चीनचे परराष्ट्र मंत्री वांग यी आणि भारताचे परराष्ट्र मंत्री असलेले एस जयशंकर यांच्यात फोनवरुन बातचीत झाल्याची माहिती पीटीआयने दिली आहे.

भारत आणि चीनने आपल्या नेत्यांमध्ये झालेल्या सहमतीचं पालन केलं पाहिजे असं मत वांग यी यांनी एस जयशंकर यांच्यासमोर मांडलं आहे. तसंच दोन्ही देशांनी मतभेद निर्माण होऊ नयेत यासाठी संवाद व समन्वय बळकट करण्याची गरज असल्याचंही ते म्हणाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 5:12 pm

Web Title: indian army given emergency powers to combat chinese aggression at lac in ladakh sgy 87
Next Stories
1 टीव्हीवर सतत सुशांत सिंगच्या आत्महत्येच्या बातम्या पाहून १७ वर्षीय तरुणीने घेतला गळफास
2 चपलेनं मारहाण केल्याप्रकरणी भाजपा नेता सोनाली फोगाट यांना अटक
3 संकट काळात काँग्रेस पक्ष सरकारला पूर्णपणे साथ देणार, सहकार्य करणार – सोनिया गांधी
Just Now!
X