करोना काळात योग गुरू रामदेवबाबा यांनी अ‍ॅलोपॅथी व डॉक्टरांवर केलेल्या विधानामुळे त्यांच्याविरोधात आता इंडियन मेडिकल असोसिएशनने गुन्हा दाखल केला आहे. योगगुरु रामदेवबाबा गेल्या अनेक दिवसांपासून चर्चेत आहेत. केंद्रीय आरोग्यमंत्री हर्षवर्धन यांनीही रामदेवबाबा यांना अशी विधानं न करण्याचा सल्ला दिला आहे. रामदेव बाबा यांच्यावर साथरोग कायदा, १८९७ आणि आपत्ती व्यवस्थापन कायदा,२००५ अंतर्गत गुन्हा दाखल केला आहे. रामदेवबाबांचा एक व्हिडिओ सध्या सोशल मीडियावर चांगलाच व्हायरल होत आहे. या व्हिडिओवरून देखील रामदेवबाबा यांच्यावर टीका होत आहे. Indian Medical Association (IMA) files police complaint against Yog Guru Ramdev for committing offences under Epidemic Diseases Act, 1897, Disaster Management Act, 2005 with all other relevant provisions of law — ANI (@ANI) May 27, 2021 व्हायरल होत असलेल्या व्हिडिओमध्ये ते आपल्या अटकेवर प्रतिक्रिया देतांना म्हणाले, “अटक तर त्यांचा बाप सुद्धा करू शकत नाही.” हा व्हायरल होत असलेला व्हिडिओ कधीचा आहे. याबाबत माहिती मिळाली नाही. मात्र सोशल मीडियावर हा व्हिडिओ ट्विट करुन नेटकऱ्यांनी रामदेवबाबा यांना लक्ष्य केले आहे. आणखी वाचा- ‘त्यांचा बापही मला अटक करु शकत नाही..’,रामदेवबाबांचा व्हिडिओ व्हायरल रामदेवबाबा म्हणाले, लोक कधीकधी रामदेवबाबा यांना अटक करण्याचा ट्रेंड सोशल मीडियावर चालवतात तर कधी रामदेवबाबा ठग असल्याचे ट्रेंड चालवतात. चालू द्या, पण आता आपण हे गुण देखील शिकलो आहोत आणि आम्ही जे लोक जो ट्रेंड चालवितो तो देखील शीर्षस्थानी असतो.रामदेवबाबा यांच्या या व्हिडिओवर काही नेटकऱ्यांनी केंद्र सरकारलाही ट्रोल केले आहे. स्वामी रामदेव हे भाजप आणि पंतप्रधान यांच्या जवळचे असल्यामुळे, असे वक्तव्य करीत आहेत, असे नेटकऱ्यांनी म्हटले आहे.
