देशसेवा करण्याची इच्छा असलेल्या पदवीधारकांसाठी एक सुवर्णसंधी चालून आली आहे. भारतीय नौदलाकडून अधिकाऱ्यांच्या भरतीसाठी पहिल्यांदाच प्रवेश प्रक्रिया घेतली जाणार आहे. यावर्षी सप्टेंबर महिन्यापासून याची सुरूवात होत आहे. #IndianNavy introduces Indian Navy Entrance Test (Officers) for all graduate entries. INET (Officers) shall be conducted twice a year w.e.f Sep19. University Entry Scheme(UES) & Combined Defence Services (CDS) entries to continue as hitherto. Details @ pic.twitter.com/4EZfnjlnII— SpokespersonNavy (@indiannavy) May 14, 2019 सप्टेंबरमध्ये इंडियन नेव्ही एन्ट्रन्स टेस्ट (आयएनईटी) घेण्यात येणार आहे. संगणक आधारित असलेल्या या परीक्षेसाठी दर सहा महिन्यांनी सूचना प्रसिद्ध केली जाईल. भारतीय नौदलाच्या संकेतस्थळावर (joinindiannavy.gov.in) याबद्दलची सर्व माहिती उपलब्ध असेल. या माहितीच्या आधारे अर्ज करणाऱ्या व्यक्ती त्यांच्या पात्रतेनुसार पर्याय निवडू शकतात. या परीक्षेत उत्तीर्ण झाल्यास थेट नौदलात अधिकारी होण्याची संधी मिळेल. या परीक्षेच्या माध्यमातून दोन प्रकारच्या (कायम आणि ठराविक कालावधीसाठी) सेवेतल्या अधिकाऱ्यांची भरती केली जाईल. सध्या सर्व्हिस सिलेक्शन बोर्डकडून उमेदवारांच्या मुलाखती घेतल्या जातात. आता आयएनईटीकडून उमेदवारांची परीक्षा घेतली जाईल. त्यातून गुणांच्या आधारे उमेदवार निवडले जातील. या परीक्षेसोबत यूपीएसईच्या माध्यमातून होणारी भरतीदेखील सुरुच असेल. यूपीएसई कम्बाईन्ड डिफेन्स सर्व्हिस एक्झामच्या (सीडीएस) माध्यमातून नौदलात अधिकाऱ्यांची भरती केली जाते.